24 წლის მიშურა (სიმაღლე-179სმ) შემტევი მცველის პოზიციაზე თამაშობს მშობლიური ქალაქის, შიბენიკის კლუბში. 2012 წლის ევრობასკეტზე მან ცხრა მატჩში 43 ქულა დააგროვა.

ანტონის ოლიმპიურ პროფილში მითითებულია, რომ სპორტსმენის ჰობია მოდა და მაღაზიებში სიარული.

ამერიკულმა სპორტულმა ინტერნეტსაიტმა BLEACHERREPORT.COM-მა "მის ოლიმპიადა 2012" დაასახელა. ეს ტიტული ხორვატ კალათბურთელს ანტონია მიშურას ერგო. ანტონია ადგილობრივი კლუბის "შიბენიკის" მოთამაშეა. მას 18-წლამდელთა ევროპის ჩემპიონატის ერთ-ერთ ყველაზე დაბალ დივიზიონში ბრინჯაოს მედალი აქვს მოპოვებული. წლეულს, კი ეროვნულ ნაკრებთან ერთად, საკვალიფიკაციო ეტაპი გადალახა და ოლიმპიურ თამაშებზე მოხვდა.

ხორვატიის ნაკრებში მიშურა ერთ-ერთ ყველაზე სწრაფ და ტექნიკურ მოთამაშედ მიიჩნევა. ამასთან, ხმელთაშუაზღვისპირეთის 2009 წლის თამაშებზე ყველაზე ლამაზ მოთამაშედ აღიარეს.