ველისციხე-ყვარლის დამაკავშირებელ გზაზე მომხდარ ავარიას მამა-შვილის სიცოცხლე ემსხვერპლა. მსუბუქი მანქანა გზის სავალი ნაწილიდან გადავიდა, რამდენიმე მეტრი გაიარა და შემდეგ გადაბრუნდა. შემთხვევის შედეგად 24 წლის ახალგაზრდა და მისი 3 წლის შვილი დაიღუპნენ, 25 წლამდე ახალგაზრდამ კი სხეულის მრავლობითი დაზიანებები მიიღო. სამივე მგზავრი გურჯაანის მუნიციპალიტეტის სოფელ ველისციხის მკვიდრია.

უბედური შემთხვევა წუხელ მოხდა.

მომხდართან დაკავშირებით მიმდინარეობს საგამოძებო მოქმედებები. ავარიის გამომწვევ მიზეზს გამოძიება დაადგენს.