გამოცდილი მეკარე, რომელიც კატალონიური გუნდის კარებს 11 წლის განმავლობაში იცავს, განაცხადა რომ, მიუხედავად ამ 11 წლისა ის შეუცვლელი და ნომერ პირველი მეკარე არ არის ბარსელონასთვის. ის თავის შესაძლებლობებს არც თუ დიდად აფასებს, თუმცა ახალი სეზონის წინ ის, ისევე როგორც თითოეული ბარსელონას ფეხბურთელი და გულშემატკივარი, ოპტიმისტურად უყურებს და მის დაწყებას ელოდება

ვიქტორ ვალდესი ირწმუნება რომ ის თავს შეუცვლელად არ მიიჩნევს. 30 წლის მეკარემ ბარსელონას მაისურით 300-ზე მეტი შეხვედრა ჩაატარა ლა ლიგაში. დებიუტი 2002-03 წლებში ჰქონდა.

"ეს ჩემი მე-11 სეზონია და მე კვლავ იგივეს ვიმეორებ. მე არასდროს მიგრძვნია რომ მწვრთნელისთვის ნომერ პირველი არჩევანი ვარ და ასე არასდროს არ ვიფიქრებ." - ასეთი კომენტარი გააკეთა ვიქტორ ვალდესმა კლუბის ოფიციალურ საიტის ცნობით.

ამის შემდეგ კატალონიელი შეეხო ბარსელონას მიზნებს შემდეგ სეზონში, და განაცხადა რომ მათ სურთ მოიგონ როგორც ლა ლიგა, ასევე ჩემპიონთა ლიგა.

"წარმატება დამოკიდებულია შემართებაზე. მართალია, ბევრი რამე ჩვენზეა დამოკიდებული, თუმცა არის რამდენიმე ფაქტორი, რომელსაც ჩვენზე გავლენა აქვს, მაგრამ ვერ ვმართავთ."

"ჩვენ ვაპირებთ მოვიგოთ ლა ლიგა და ჩემპიონთა ლიგა ამ სეზონში."

შეგახსენებთ, რომ ბარსელონა ლა ლიგის პირველ მატჩს რეალ სოსიედადის წინააღმდეგ 19 აგვისტოს ჩაატარებს.