მსახიობი თემო გვალია სოციალურ ქსელში პოსტს აქვეყენებს, სადაც გლდანის ციხეში ჯდომის პერიოდს იხსენებს, რა დროსაც მასთან ერთად რაღაც პერიოდი ცოტნე გამსახურდიაც იხდიდა სასჯელს:

„ცირკია ეს ცხოვრება.
გლდანის ციხეში ვიჯექი “ბ” კორპუსზე.. მოპირდაპირე მხარეს იყო “რეზბალნიცა”. იქ ჰყავდათ რაღაცა პერიოდი ცოტნე გამსახურდიაც. თითქმის ყოველდღე ისმოდა მისი ხმამაღალი ყვირილი, კივილი, გინება. დიახ ცოტნე გამსახურდიას განწირული ხმა ისმოდა ერთ-ერთი საკნიდან. მთელი კორპუსი დათრგუნვილები ვიყავით მისი ყვირილისგან, რომელიც ხანდახან საათობით გრძელდებოდა! ნამდვილად ვერ ვხედავდით იქ რა ხდებოდა, მაგრამ ცოტნეს რომ იქ არ ულხინდა, ცხადზე ცხადი იყო.
დღეს კი, როდესაც ეს არასასიამოვნო ამბავი შეემთხვა ცოტნე გამსახურდიას, საქართველოს ყოფილი პრეზიდენტი და დღეს ძებნაში მყოფი მიხეილ სააკაშვილი იმუქრება, ამ ამბავს ასე არ დავტოვებო! ბიძინას რომ მოვიშორებ, ყველა ის, ვინც ცოტნე გამსახურდიაზე იძალადა, აუცილებლად დაისჯებაო…
ფაქტიურად დასცინის მასაც და მთელი მოსახლეობის უმრავლესობასაც!

ნაპრეზიდენტალზე ახალი რაღა ვთქვა?… ყველას შესანიშნავად გაგვაცნო თავი თავისი მოღვაწეობის დროსაც და შემდგომაც!
ცოტნე კი, რომელსაც არ ვიცნობ და სიმართლე გითხრათ, არც არანაირი სურვილი არ მაქვს გავიცნო, უფალმა გადაარჩინოს…“, - წერს თემურ გვალია სოციალურ ქსელში.

შეგახსენებთ, ცოტნე გამსახურდია 19 დეკემბერს, ვერაზე, საკუთარ სახლთან დაჭრეს ჯერ-ჯერობით დაუდგენელმა პირებმა. ექს-პრეზიდენტის ვაჟს ხეჩინაშვილის კლინიკაში ორი ოპერაცია ჩაუტარდა, რომელიც მთელი ღამე გრძელდებოდა, პაციენტის მდგომაროება მძიმეა.

შსს-ს ინფორმაციით, ფაქტზე გამოძიება საქართველოს სისხლის სამართლის კოდექსის 19-108 მუხლით დაიწყო, რაც განზრახ მკვლელობის მცდელობას გულისხმობს.