დედოფლისწყაროს რაიონული პოლიციის სამმართველოში განზრახ მკვლელობის და ჯგუფურად ჩადენილ ყაჩაღობის საქმე გაიხსნა. გამოძიება სისხლის სამართლის კოდექსის 108-ე მუხლით და 179-ე მუხლის მე-2 და მე-3 ნაწილების “ბ” ქვეპუნქტებით მიმდინარეობს.

შეგახსენებთ, რომ 2019 წლის 6 ნოემბრის ღამეს დედოფლისწყაროს მუნიციპალიტეტის სოფელ არბოშიკში, საკუთარ სახლში, "ბნელაანთუბანში" 61 წლის ქალი წამებით მოკლეს.

ქალი სახლში მარტო ცხოვრობდა, მისი ცხედარი გარდაცვლილის ძმის შვილმა და მეზობელმა მას შემდეგ რაც ქალი ტელეფონზე აღარ პასუხობდა, მას ბინაში მიაკითხეს.

"ჩამსხვრეული იყო სახლის მინები. სახლშიც ნივთები არეული, ალბათ, რამეს ეძებდნენ... მეუღლე სამი წლის წინ გარდაეცვალა. სკოლასთან ახლოს ღვეზელებს ყიდდა" — ამბობდა მერიის წარმომადგენელი.