ფრედი მერკური - ადამიანი-ლეგენდა. ჟურნალ "Rolling Stone" - ის ვერსიის თანახმად, 2008 წელს, "ყველა დროის 100 უდიდეს ვოკალისტთა" შორის მისი სახელი მე-18 საპატიო ადგილზე განთავსდა, ხოლო მსხვილმა მუსიკალურმა ონლაინ პლატფორმამ "AllMusic" -მა მას "მუსიკის ისტორიაში ერთ-ერთი უდიდესი როკმომღერალი და უდიდესი ხმის პატრონი" უწოდა. რა თქმა უნდა, ვარსკვლავის პირადი ცხოვრებაც საზოგადოებრივ ინტერესს ყოველთვის აღძრავდა.

ფრედი მერკურიმ, ჯიმ ჰატონი კლუბში 1984 წელს გაიცნო და სასმელიც შესთავაზა, თუმცა, უცნობ მამაკაცს მან შეთავაზებაზე თავაზიანი უარი ისე უთხრა, რომ ვერც კი მიხვდა მის წინაშე ჯგუფ "Queen"-ის სოლისტი რომ იდგა. რამდენიმე თვის შემდეგ, ჯიმი მეგობართან ერთად რესტორანში იმყოფებოდა, რომელმაც მის უკან მჯდომ მამაკაცზე მიუთითა: "შენ უკან ფრედი მერკური ზის!" ამჯერად, ლეგენდარული ბრიტანელი მომღერლისგან მან უკვე სასმელიც მიიღო და ადგილზე, მათ შორის ხანმოკლე კომუნიკაციაც შედგა.

დაახლოებით წელიწადნახევრის შემდეგ, ისინი იმავე კლუბში სრულიად მოულოდნელად, კვლავ შეხვდნენ ერთმანეთს. ფრედიმ ჯიმი სასმელზე ტრადიციულად ისევ დაპატიჟა. სწორედ იმ დღიდან მოყოლებული მათ შორის ურთიერთობა იმდენად სწრაფად განვითარდა, რომ საბოლოოდ, ჯიმი საცხოვრებლად მასთან "Garden Lodge"- ში გადავიდა.

მას შემდეგ რაც, 1987 წელს ფრედი მერკურს შიდსი დაუდგინდა, მან საყვარელ მამაკაცს ურთიერთობის დასრულება შესთავაზა, რაზეც ჰატონმა კატეგორიული უარი განაცხადა. ჯიმი მასზე სიცოცხლის ბოლომდე ერთგულად ზრუნავდა.

როკის მეფემ გარდაცვალების შემდეგ თავის ახლო მეგობარს 500, 000 ფუნტი სტერლინგი და კარლოუში მიწის ნაკვეთი უანდერძა, სადაც მან საბოლოოდ სახლი ააშენა. ჯიმ ჰატონმა მუსიკოსთან ექვსწლიანი ურთიერთობა წიგნში "მერკური და მე" ("Mercury and Me") აღწერა. 20 წლის განმავლობაში აივ-ინფექციით დაავადებული ჯიმი, 2010 წელს ფილტვის კიბოთი გარდაიცვალა.