უკრაინის უზენაესმა სასამართლომ კანონიერად სცნო პარტია "ახალი ძალების მოძრაობის" ლიდერის მიხეილ სააკაშვილის ქვეყნიდან გაძევება 2018 წლის თებერვალში.ამის შესახებ იტყობინება უზენაესის პრეს-სამსახური საკუთარ "ფეისბუქის" გვერდზე.

შეგახსენებთ, 2018 წლის თებერვალში სააკაშვილი უკრაინის სპეცსამსახურებმა იძულებით აიყვანეს და პოლონეთში გაასახლეს, მაშინდელი პრეზიდენტის პეტრე პოროშენკოს ბრძანებით.

პეტრე პოროშენკომ სააკაშვილს უკრაინის მოქალაქეობა 2015 წლის მაისში მისცა და ოდესის ოლქის გუბერნატორად დანიშნა, მიხეილ სააკაშვილი წელიწადნახევარი იყო ამ თანამდებობაზე, შემდეგ კი ოპოზიციაში გადავიდა, 2017 წლის ზაფხულში პოროშენკომ საქართველოს ექს-პრეზიდენტს ჩამოართვა უკრაინის მოქალაქეობა და ქვეყნიდან გააძევა.მას უკრაინაში შემოსვლა 2021 წლამდე აეკრძალა.

აქამდე სასამართლომ არ დააკმაყოფილა სააკაშვილის საკასაციო საჩივარი, ხოლო უზენაესმა სასამართლომ ძალაში დატოვა განაჩენი.

მიხეილ სააკაშვილს უკრაინის მოქალაქეობა ქვეყნის ახალმა პრეზიდენტის, ვლადიმერ ზელენსკის მოსვლის შემდეგ დაუბრუნეს.