რუსთაველზე მიმდინარე აქციის ორგანიზატორი, ჯაბა ზარქუა ფეისბუქის თავის გვერდზე შემდეგი ტექსტის განცხადებას აქვეყნებს: "მოკლედ, ბოდიში ჩემს პაციენტებს, რომლებსაც გუშინ ვიზიტი გავუუქმე და დანარჩენებს გადავუდე. მაწუხებს ეს ამბავი და ერთი იდეა ამეკვიატა რომელსაც გავაკეთებ დღეს და თუ კოლეგები ამყვებით გზადაგზა, უმშვენიერესი იქნება :)
ვაპირებ გასტროენტეროლოგის კარვის დადგმას რუსთაველზე. ცხადია 24 საათი კარავში ვერ ვიჯდები იმიტომ, რომ აქციის ორგანიზატორიც ვარ, მაგრამ ზედ დავაკრავ როდის იქნება მიღების საათები და მივიღებ ყველა პაციენტს, რომელსაც ღვიძლისა და კუჭ-ნაწლავის პრობლემები აწუხებს ))
კონსულტაციის საფასურია სოლიდარობა!
პ.ს. მართლა ჩვეულებრივი კონსულტაცია მექნება, ოღონდ არაჩვეულებრივ პირობებში, ბლანკებიც კი მომაქვს რომ მცირე ჩანაწერებიც გავუკეთო პაციენტებს. ნუ, ფორმა-100-ებს ნუ მომთხოვთ ერთი ))
საქმე საქმეში!
ყველა რუსთაველზე!"

შეგახსენებთ, რომ რუსთაველზე აქციები 14 ნოემბერს განახლდა.