დამკვირვებლები, რომლებიც ექსპერიმენტის ჩატარების ადგილას შემთხვევით აღმოჩნდნენ, ალბათ ვერც კი იფიქრებდნენ, რომ მეცნიერთა ჯგუფის მიერ ჩატარებული კვლევის მოწმე გახდნენ. ზებრასავით შეღებილი ძროხები ძალიან უცნაურად გამოიყურებიან.

ძროხა თუ ზებრა?

კვლევის მიზანია იმის დადგენა, ძროხის ფერის შეცვლა გავლენას მოახდენს თუ არა იმაზე, თუ ბუზები მას რამდენად ხშირად დაკბენენ. მეცნიერები ვარაუდობენ, ზოლებიანი ძროხების გადაადგილება ბუზების ყურადღებას არ მიიქცევს.

ამისთვის იაპონელმა ბიოლოგებმა 6 შავი ძროხა ზებრასავით შეღებეს. „ზებრა-ძროხათა“ ჯგუფს 3 დღის განმავლობაში აკვირდებოდნენ.

კვლევის შედეგები ჟურნალში Plos One გამოაქვეყნეს.

ექსპერიმენტის შედეგები

დაკვირვებების ჩასაწერად ცხოველებს პერიოდულად მაღალი რეზოლუციით სურათებს უღებდნენ. მიღებული სურათებით ბუზების რაოდენობას ითვლიდნენ, რომლებიც ძროხებზე ჯდებოდნენ.

მეორე ნიშანი, რომელიც გაითვალისწინეს, ტიპიური მოძრაობა იყო, რომლითაც მსხვილფეხა ცხოველი სისხლის მსმელ მწერებს იგერიებს: ფეხების ბაკუნი და კუდის ქნევა.

მეცნიერების ვარაუდი გამართლდა: ზოლებიან ძროხებზე მკბენი ბუზების რაოდენობა ორჯერ უფრო მცირე იყო, ვიდრე შავი ძროხების.

იაფი და ნაკლებად ტოქსიკური ვარიანტი

კვლევამ აჩვენა, რომ ბუზებისგან ცხოველების დასაცავად ტრადიციულ საშუალებასთან შედარებით უფრო კარგი ვარიანტი არსებობს.

სოფლის მეურნეობა ამ პრობლემის მოსაგვარებლად პესტიციდებზე ძლიერ დამოკიდებულია.

პესტიციდების ნაცვლად საღებავის ქილების გამოყენება შეიძლება ალტერნატიული მეთოდი გახდეს, რომელიც ცხოველებს სისხლისმსმელი მწერებისგან დაიცავს.

რა თქმა უნდა, დამატებითი კვლევების შემდეგ, რადგან თავად საღებავმაც შეიძლება ცხოველის ორგანიზმზე გავლენა იქონიოს. ნაკლებად სავარაუდოა, რომ ეს წყალში ხსნადი აკვარელი იქნება.

ასევე დაგაინტერესებთ:

სინგაპური მსოფლიოში პირველი ქვეყანა გახდება, სადაც ტკბილი სასმელების რეკლამირება კანონით აიკრძალება

ტაილანდურ სუპერმარკეტებში პროდუქტებს პლასტმასის ნაცვლად ბანანის ფურცლებში ახვევენ

იაპონიაში წლის ბოლომდე ყველა მიკროტალღურ ღუმელს გაანადგურებენ და აი, რატომ

დიდ ბრიტანეთში პირველი 3D-“ზებრა“ გააკეთეს. ის ყველას აფერხებს!

აი, როგორ იყენებენ პლასტმასის თავსახურებს ესპანეთში