როგორც ცნობილია, საუდის არაბეთში ქალებისთვის ნიკაბის ტარება სავალდებულო არ არის. სრულიად საკმარისია მხოლოდ ჰიჯაბი, რომელიც მხოლოდ ქალის თავის ზონას ფარავს.

თუმცა, მოსახლეობის ულტრა -კონსერვატიულ ფენას ურჩევნია, რომ ქალის სახე მთლიანად დაფარული იყოს, ხოლო თვალები კი ღია.

როგორც წესი, ამ ქვეყანაში საზოგადოებრივი კვების ობიექტებს ძირითადად მამაკაცები სტუმრობენ, ქალებს კი კვება სახლში, ოჯახის წევრების გარემოცვაში ურჩევნიათ.

თუმცა, ისეც ხდება, რომ ნიკაბში გამოწყობილი ქალბატონები წასახემსებლად უახლოეს რესტორნებს სტუმრობენ, და სწორედ აი, ამ დროს ჩნდება ლოგიკური შეკითხვაც - როგორ ახერხებენ ისინი სახიდან ნიკაბის მოუხსნელად თავისუფლად კვებას? საგანგებოდ, მათი ტრაპეზისთვის რესტორნებში გამოყოფილი არანაირი სპეციალური ოთახები არ არსებობს, რის გამოც მათ საკვების მიღება, პირდაპირ, სხვა სტუმრების თვალწინ უწევთ.

როგორც ირკვევა, თავსაბურავს (ნიკაბს) ნიკაპის ქვეშ საგანგებო ჭრილი აქვს, რომლის მეშვეობითაც ქალს საკვებისა და სასმელის მიღება შეუძლია, თუმცა, მან ეს ძალიან ფრთხილად უნდა გააკეთოს, იმდენად ფრთხილად რომ მისი სახის დანახვა ვერავინ შეძლოს.