სხვა
ყვირილი და ადუღებული სისხლი: არქეოლოგების მორიგი აღმოჩენა, ნახეთ, როგორ იღუპებოდნენ პომპეის მკვიდრნი
2019, 7 ნოემბერი, 16:35
ჩვენი წელთაღრიცხვით 79 წელს რომის იმპერიის ულამაზესი ქალაქი პომპეი ვულკან ვეზუვის ამოფრქვევის შედეგად მთლიანად განადგურდა. ქალაქი კატასტროფის ეპიცენტრიდან სულ რაღაც 20 კილომეტრში მდებარეობდა. მოსახლეობის უმრავლესობა ცოცხალად დაიწვა, დანარჩენი კი, საშინელი ტანჯვითა და წამებით გარდაიცვალა. მიცვალებულთა ძვლებისა და ნაშთების შესწავლის შედეგად, იტალიელმა არქეოლოგებმა პომპეის მკვიდრთა გარდაცვალების გარემოებებზე ისაუბრეს, რომელიც მართლაც, რომ მძიმე მოსასმენია.
ძვლების ქიმიურმა ანალიზმა წითელი და შავი ფერის მინერალური ნალექი გამოავლინა, რომლის ნაერთიც როგორც ცნობილია, მდიდარი რკინითა და ოქსიდებით არის. ასეთი სახის კრისტალები ორგანული წარმოშობისაა.
მარტივად რომ ვთქვათ, ვულკანის ამოფრქვევისას ადამიანების სისხლი ადუღდა და ორთქლად იქცა. მოგვიანებით, კი, როდესაც ტემპერატურა დაეცა, "სისხლის ორთქლი" გაცივდა და დაკრისტალდა. ბევრი ნაპოვნი ძვალი დეფორმირებულია, რაც იმაზე მეტყველებს, რომ მომაკვდავი ადამიანების თავის ქალა შიდა წნევისგან გასკდა, სიკვდილი კი მყისიერად დადგა.
"ეს, სწორედ ამ, ორი ფაქტორის - მაღალი ტემპერატურისა და ქალასშიდა წნევის კომბინაციის შედეგად მოხდა, რომ ადამიანის ტვინი ადუღდა, ხოლო თავის ქალა კი გასკდა, " - განაცხადეს იტალიელმა მეცნიერებმა.
ჩვენი წელთაღრიცხვით 79 წელს მასშტაბური კატასტროფა მოხდა. ვულკან ვეზუვის ამოფრქვევამ სამი რომაული ქალაქი - პომპეი, ჰერკულანუმი და სტაბია გაანადგურა. კატასტროფის ეპიცენტრში კი ვულკანური მთიდან ამოსული ფერფლისა და შავი კვამლის სვეტი აღიმართა, რომლის სიმაღლემაც 33 კილომეტრს მიაღწია.
ვულკან ვეზუვის ამოფრქვევის შედეგად სულ 16 ათასი ადამიანი დაიღუპა.
ადგილზე ნაპოვნი ნაშთები მუმიფიცირებულია და სწორედ, ვულკანური ფერფლის წყალობით ყველაფერი წარმოუდგენელი სიზუსტით არის შემორჩენილი. კატასტროფის ადგილზე კვლევები დღემდე გრძელდება.
