მეცნიერება ნუთუ მართლაც ასე პროგრესირებს თუ ეს ყოველივე ღვთის ნებაა? ახალბედა დედა - ანატოლია ვერტადელა, რომელიც უკვე 101 წლის არის, მეჩვიდმეტე შვილის - ფრანჩესკოს დაბადებას სწორედ უფლის ნებად განიხილავს. როგორც ბედნიერი დედა იხსენებს, ის გრძნობდა, თუ როგორ დასაჯა ღმერთმა, როდესაც მას განსაცდელის სახით საკვერცხის კიბო მოუვლინა, თუმცა, თექვსმეტი შვილის შემდეგ, რეპროდუქციის უნარი კვლავ დაუბრუნა.

ხანდაზმული ქალბატონისთვის საკვერცხის გადანერგვის ოპერაციის ჩატარებაზე უარი არაერთმა ექიმმა განაცხადა, რომლებმაც არც საკუთარი კოლეგები დაინდეს და ისინი კრიტიკის ქარცეცხლში გაატარეს, ვინაიდან მათი აზრით, მსგავსი სახის პროცედურა მოხუცის სიცოცხლეს საფრთხეში აგდებდა.

თუმცა, მთავარმა ექიმმა ალესანდრო პოპოლიჩიმ, ყველაფერი გააკეთა რათა ქალის ეს სურვილი შეესრულებინა და თურქეთის კერძო კლინიკაში საკვერცხის გადანერგვის ოპერაცია წარმატებით ჩაუტარა, როგორც ცნობილია, მსგავსი სახის პროცედურა ევროკავშირის ტერიტორიის ქვეყნებში კანონით იკრძალება.

პაციენტის პირადი ექიმის პოპოლიჩის აზრით, ქალის განსჯის უფლება არავის აქვს, ვინაიდან მას მხოლოდ და მხოლოდ სიცოცხლის ჩუქების სურვილი ამოძრავებდა. საბოლოოდ სასწაული მოხდა და 101 წლის იტალიელ დედას ჯანმრთელი, შესანიშნავი ბიჭუნა, ფრანჩესკო შეეძინა. ჩვენი გმირის მეუღლე ჯერ კიდევ 1998 წელს გარდაიცვალა, ამიტომ მან ინტერნეტში დონორი, 26 წლის კათოლიკე მამაკაცი მოიძია. მისი რელიგიური შეხედულებები მომავალი დედისთვის ძალიან მნიშვნელოვანი იყო, ამიტომ არჩევანი სწორედ მასზე შეაჩერა. ანატოლია ვერტადელა დარწმუნებულია, რომ ამ ბავშვის დაბადება - უდიდესი ჩანაფიქრის განხორციელებაა. ანატოლიის შემთხვევამდე, ისტორიაში ყველაზე ასაკოვან დედად სამხრეთ აფრიკის რესპუბლიკის მოქალაქე მალეგვალე რამოგკოპა ითვლებოდა, რომელიც ტყუპების დედა 92 წლის ასაკში გახდა.