სილამაზე საკმაოდ ფარდობითი ცნებაა, რაც ლამაზია ერთისთვის, მეორისთვის შესაძლოა არაფრით გამორჩეული იყოს, აი, მაგალითად ზოგიერთი ადამიანისთვის - "ლამაზად" მხოლოდ მოდელის გარეგნობის გოგონები ითვლება, ზოგისთვის კი, პირიქით, სილამაზის ეტალონად, შუა საუკუნებში არსებული მოსაზრების თანახმად, კვლავინდებურად სავსე ფორმების მქონე, ფუმფულა მანდილოსნები რჩებიან.

გაიცანით, ეს ავსტრალიელი მოდელი სტეფანია ფერარიოა, რომელიც საკუთარ ქვეყანაში ერთ-ერთ ყველაზე ლამაზ ქალად ითვლება. 1, 79 სმ სიმაღლის სტეფანიას თითქმის იდეალური პროპორციები აქვს: მკერდი - 98 სმ, წელი - 69 სმ, თეძო - 99 სმ.

სტეფანია ავსტრალიაში ერთ- ერთი ყველაზე წარმატებული და მოთხოვნადი მოდელია, რომლის პოპულარობაც ქვეყნის ფარგლებს გარეთ დღითიდღე სულ უფრო იზრდება. გოგონა თვლის, რომ მისი კოლეგა მოდელები მეტისმეტად გამხდრები არ უნდა იყვნენ, რადგან ეს ახალგაზრდებზე ნეგატიურად აისახება.

მოდელი დარწმუნებულია, რომ ჯანმრთელი სხეული ბევრად უფრო მიმზიდველად და მადისაღმძვრელად გამოიყურება, ვიდრე ავადმყოფურად გამხდარი მხრები და მკლავები. ალბათ დამეთანხმებით, რომ სტეფანია, მართლაც რომ იდეალურად გამოიყურება, ვერაფერს იტყვი.