საზოგადოება ჟურნალისტი გურამ როგავა "რუსთავი 2"- ში გადავიდა 2019, 16 სექტემბერი, 17:28  ჟურნალისტმა გურამ როგავამ "საზოგადოებრივი მაუწყებელი " დატოვა და მუშაობას ტელეკომპანია "რუსთავი 2"- ში გააგრძელებს. ამის შესახებ მან სოციალურ ქსელში დაწერა. 
რაც შეეხება "საზოგადოებრივი მაუწყებლის" დატოვებას, ამის შესახებაც ჟურნალისტმა სოციალური ქსელით ამცნო საზოგადოებას.
"დღეს დავტოვე პირველი არხი, სადაც 3 წელი და 3 თვე გავატარე. მადლობა მაუწყებელში მომუშავე ადამიანებს. წამოვედი, მაგრამ ვრჩები საზოგადოებრივი მაუწყებლის იდეის გულშემატკივრად! ახლა ჩემს ცხოვრებაში ახალი გამოწვევის დროა.
შევხვდებით მალე!"- დაწერა როგავამ 13 სექტემბერს.
21 აგვსიტოს ტელეკომპანია „რუსთავი 2“ საინფორმაციო სამსახურის ჟურნალისტების უმრავლესობამ დატოვა. მას შემდეგ "კურიერი" ეთერში არ გასულა. 26 აგვისტოს კი ცნობილი გახდა რომ ტელეკომპანია „რუსთავი 2“-ის საინფორმაციო სამსახურს ჟურნალისტი ირაკლი იმნაიშვილი უხელმძღვანელებს. ასევე რუსთავი 2 ში დაბრუნდა ჟურნალისტი ნინო შუბლაძე. 20 აგვისტოს რუსთავი 2-ის გენერალურმა დირექტორმა, პაატა სალიამ საინფორმაციო სამსახურის უფროსის თანამდებობიდან ნოდარ მელაძის გათავისუფლების შემდეგ განაცხადა, რომ ამ პოსტზე ნინო შუბლაძის კანდიდატურა განიხილებოდა. 61 1-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
