ტელეწამყვანმა და "რუსთავი 2" -ის საინფორმაციო სამსახურის უკვე ყოფილმა ხელმძღვანელმა ნოდარ მელაძემ, პაატა სალიას პრესკონფერენციის დასრულების შემდეგ, განაცხადა რომ მის ცხოვრებაში ახალი ეტაპი იწყება, კერძოდ კი ის შვილებს ელოდება: "ჩემს ცხოვრებაში ორ კვირაში ახალი ეტაპი დგება, ველოდები შვილებს, "- განაცხადა ცნობილმა ტელეწამყვანმა. შეგახსენებთ, რომ ცოტა ხნის წინ არხის ამჟამინდელმა დირექტორმა პაატა სალიამ ცნობილი სახეები - ნოდარ მელაძე, ნანუკა ჟორჟოლიანი, გიორგი გაბუნია და ეკა კვესიტაძე სამსახურიდან გაათავისუფლა. როგორც ჟურნალისტმა პრესკონფერენციის დროს განაცხადა, მას შეთავაზება უკვე არაერთი არხიდან აქვს მიღებული, თუმცა საბოლოოდ თუ რომელ არხთან ან მედია საშუალებასთან ითანამშრომლებს, ამასთან დაკავშირებით გადაწყვეტილებას ის უახლოეს მომავალში მიიღებს.