კემბრიჯის უნივერსიტეტის სტუდენტმა გახსნა თვითმფინავის კარი და 1500 მეტრის სიმაღლიდან გადმოხტა, მისი მეგობარი გოგონა და პილოტი ფეხებზე დაეჯაჯგურნენ გოგონას, ბრძოლა რამდენიმე წუთი გაგრძელდა თუმცა უშედეგოდ.შემთხვევა მადაგასკარში მოხდა.

ბიოლოგიის ფაკულტეტის მეორე კურსის სტუდენტი19 წლის ალანა კატლანდი(Alana Cutland) გარდაიცვალა მას შემდეგ, როდესაც 5 000 ფუტის სიმაღლიდან(1500 მეტრი)გადმოხტა იმ დროს, როდესაც თვითმფრინავი Cessna C168 სასწავლო ფრენას ახორციელებდა ინდოეთის ოკეანის კუნძულებზე.

როგორც მადაგასკარის პოლიციის უფროსმა სინოლა ნომელჯაგარიმ განაცხადა, ალანას დაქალი და პილოტი რუტ ჯონსონი რამდენიმე წუთი იბრძოდნენ, რომ გოგონა შეეკავებინათ, თუმცა უშედეგოდ.

ფოტოზე:პოლიციის საგამოძიებო ექსპერიმენტი უკვე მიწაზე

ალანა მადაგასკარში იშვიათი სახეობის კიბოსნაირებს სწავლობდა და იკვლევდა, როგორც გაირკვა ალანას მანამდე რამდენჯერმე ჰქონდა ნერვიული შეტევა, სიკვდილის წინ ტელეფონით ცხარე საუბარი ჰქონდა მშობლებთან.

19 წლის გოგონა 6 კვირით უნდა დარჩენილიყო მადაგასკარში და მიეღო კვლევებში მონაწილეობა.

მაშველები გოგონას გვამს ეძებენ, თუმცა საეჭვოა იპოვნონ, რადგან ანჯაჯავის სიახლოვეს, სადაც გოგონა გადახტა, გაუვალი ჯუნგლებია, რომელიც სავსეა მტაცებელი მხეცებით.