1. ჯეკ ნიკოლსონი

ფილმი: One Flew Over the Cuckoo's Nest

როლი: რენდლ მაკმერფი

ფილმის გადაღება ხდებოდა ნამდვილ ფსიქიატრიულ სავაადმყოფოში. როლში უფრო ღრმად შეჭრისთვის, მსახიობთა დასი ესწრებოდა სოციალური თერაპიის სეანსებს და ურთიერთობდა პაციენტებთან და ექიმებთან. მალევე პროდიუსერებმა ღელვა დაიწყეს მსახიობთა ჯანმრთელობის შესახებ, აკადემიამ კი, ჯეკს ოსკარი გადასცა. "ეს კიდევ ერთხელ ამტკიცებს, რომ თქვენს შორის ბევრი გიჟი ბინადრობს" - განაცხადა ჯეკმა.

2. კეიტ უინსლეტი

ფილმი: The Reader

როლი: ჰანა შმიცი

საკონცენტრაციო ბანაკის დაცვის როლისთვის მას გადაეცა ოსკარი. " მე ძალიან გამიმართლა, რომ აქ აღვმოჩნდი" - განაცხადა მან ოსკარის დაჯილდოებაზე. მსახიობი იმდენად ღრმად შევიდა როლში, რომ თვეები დასჭირდა საკუთარი თავის დასაბრუნებლად.

3. ნატალი პორტმანი

ფილმი: Black Swan

როლი: ნინა სეიერსი

ბალერინის როლის უკეთ გასათავისებლად, მსახიობი დღეში 8 საათი ცეკვავდა. რეჟისორმა კი, სპეციალურად განარიდა ნატალი საზოგადოებისგან. " როდესაც გადაღებას ვთანხმდებოდი, ვიცოდი რაში ვღებულობდი მონაწილეობას, თუმცა ხანდახან მეგონა, რომ ვგიჟდებოდი"- ამბობს ნატალი. ასეთი გამოდგა ოსკარის მიღების ფასი.4.ედრიან ბროუდი

ფილმი: The Pianist

როლი: ვლადისლავ შპილმანი

ბროუდიმ დიდი შრომა გასწია მოშიმშილე, ებრაელი პიანისტის როლის შესასრულებლად, რის შედეგადაც ოსკარი მიიღო. ამ ფილმისთვის მსახიობი განმარტოვდა და ასკეტურ ცხოვრებას მიჰყო ხელი. ამასთანავე, უყურადღებოდ არ უნდა დავტოვოთ ისიც, რომ გადაღებების დაწყებამდე ედრიანი შიმშილობდა. რეალურ სამყაროში დასაბრუნებლად მას დიდი ხანი დასჭირდა.

5. ჰილარი სოუნკი

ფილმი: Boys Don't Cry

როლი: ბრენდონ ტინა

ტრანსექსუალის როლის შესრულება ჰილარისთვის ადვილი ნამდვილად არ ყოფილა. მამაკაცის სტილში ყოფნა მას არა მარტო გადაღებებზე, არამედ სახლშიც კი უწევდა. "გადაღებების დროს, მე შემეშინდა იმის, რომ შესაძლოა ვერასდროს დამებრუნებინა ქალურობა" - ამბობს ჰილარი.