გასული წლიდან მოყოლებული, ეს მარტივი მათემტიკური გამოცანა უამრავი ადამიანის «თავსატეხად» იქცა. სოც. ქსელებში გამოცანის საკმაოდ ბევრი ასლი არსებობს, სხვადასხვა ელემენტით და განსხვავებული ინტერპრეტაციით. თუმცა, პრინციპი ყველგან ერთნაირია.

აქ მოცემული ტესტის შემთხვევაში, ილუსტრაციაზე მოცემულია ადამიანი, ფეხსაცმელი და ჭოგრიტი. ხოლო, სტატიის მეორე ნაწილში გამოცანის პასუხი და დეტალური ანალიზია, – ეს იმ შემთხვევისთვის, თუ თავსატეხის ამოხსნას ვერ შეძლებთ და ტესტის პასუხისგან განსხვავებულ პასუხს მიიღებთ.

პასუხი: 43

I. თავდაპირველად ერთ რამ უნდა აღინიშნოს: აქ ალგებრის წესები მოქმედებს (ჯერ გამრავლება (გაყოფა), ხოლო შემდეგ – მიმატება და გამოკლება), რომლის დარღვევა არ შეიძლება.

II. ვიდრე ბოლო ტოლობაზე გადავალთ, ჯერ წინა მაგალითების საფუძველზე, თითოეული ელემენტის ღირებულება უნდა დავადგინოთ.

III. რადგან ახალი ელემენტების დამატება ზემოდან ქვემოთ ხდება, ამ თანამიმდევრობით უნდა დავიწყოთ თითოეული ელემენტის შესწავლა.

IV. განსაკუთრებით ყურადღებით უნდა შევისწავლოთ ბოლო ტოლობა, რადგან ერთი ელემენტის ქვეშ, შეიძლება, სხვა ელემენტებიც იმალებოდეს. მაგ., ამ შემთხვევაში, მამაკაცს ფეხზე სწორედ ის ფეხსაცმელი აცვია, რომელიც პირველ ტოლობაშია, როგორც ელემენტი, ხოლო ხელში 2 ჭოგრიტი უკავია, – რომელიც ასევე ცალკე ელემენტია, მესამე ტოლობაში.

ამოხსნა და პასუხი:

I. ტოლობა: 2 ფეხსაცმელი + 2 ფეხსაცმელი + 2 ფეხსაცმელი = 30

2 ფეხსაცმელი = 30/3 = 10

II. ტოლობა: ადამიანი + ადამიანი + 2 ფეხსაცმელი = 20

2 ადამიანი = 20-10 = 10

ადამიანი = 10/2 = 5

III. ტოლობა: 2 ჭოგრიტი + 2 ჭოგრიტი + ადამიანი = 13

4 ჭოგრიტი = 13 - 5 (ადამიანი) = 8

2 ჭოგრიტი = 8/2 = 4

IV. ტოლობა: ფეხსაცმელი + (ადამიანი ფეხსაცმელში და 2 ჭოგრიტით) * ჭოგრიტი =?

10/2 + (5 + 10 + 4) * 4/2 = 5 + 19 * 2 = 43

როგორც ხედავთ, რთული არაფერია. მთავარია მხოლოდ ყურადღება და მათემატიკის წესების დაცვა.