ამ დრომდე რუსთაველზე პარლამენტის წინ მიმდინარეობს აქცია, სადაც შეკრებილია უამრავი ახალგაზრდა, რომლებიც აპროტესტებენ აქციის გუშინდელ დარბევას და მთავრობას უყენებენ მოთხოვნებს, რომ გადადგეს შსსს მინისტრი გიორგი გახარია, დაუყოვნებლივ გაანთავისუფლონ დაკავებული აქტივისტები და ჩატარდეს 2020 წელს პროპორციული არჩევნები.

რამდენიმე ახალგაზრდა ორგანიზატორის მოწოდების შესახებ დაიშალონ აქციის მონაწილეები, აქციის მონაწილეებში დიდი პროტესტი გამოიწვია . მონაწილეები არ აპირებენ დაშლას.

ახალგაზრდებს მიკროფონი გაუთიშეს და ისინი თავიანთი ძალებით ცდილობენ კვლავ ჩართონ.

ამ მომენტისთვის ხმოვანი აპარატურა გამორთულია და აქცია შეძახილების და ჰიმნის ფონზე მიმდინარეობს მიკროფონის გარეშე. აგრეთვე აღსანიშნავია ფაქტი, რომ პროტესტის მონაწილეებმა ნაციონალური პარტიის წარმომადგენლების გამოჩენა გააპროტესტეს და არ მისცეს საშუალება მიკროფონით გამოსვლის. ქართველი ახალგაზრდები შეძახილებითა და საქართველოს ჰიმნით აგრძელებენ მშვიდობიან აქციას.

ამომენტისთვის მიკროფონი ჩართულია იმ პირობით, რომ ძალადობისა და კანონის დარღვევის შეძახილები არ იქნებოდა, ამ ყველაფერზე პასუხისმგებლობა სალომე ჭელოძემ აიღო.