რუსთავში, XX მიკრორაიონში ახალგაზრდა ქალი გარდაიცვალა.

როგორც ირკვევა, გარდაცვლილი ახალგაზრდა 32 წლის ნათია სუბელიანია.

როგორც ინფო-რუსთავის მიერ გავრცელებულ ინფორმაციაში იყო ნათქვამი, ქალი ბინაში მარტო იმყოფებოდა, რა დროსაც გულის შეტევა დაემართა.

ოჯახის ახლობლები პირად საუბრებში აცხადებენ, რომ მას სავარაუდოდ, თრომბი განუვითარდა.

გარდაცვლილი ექსპერტიზის ბიუროში გადაასვენეს.

გარდაცვალების ზუსტ მიზეზს სამხარაულის სახელობის ექსპერტიზის ბიურო დაადგენს.

ადგილზე მისულმა მაშველებმა ახალგაზრდა გარდაცვლილი სამზარეულოში ნახეს, ის სავარაუდოდ საჭმლის გაკეთებას აპირებდა.

მას 2 მცირეწლოვანი შვილი დარჩა.

შინაგან საქმეთა სამინისტროს ინფორმაციით, ფაქტზე გამოძიება 115-ე მუხლით დაიწყო, რაც თვითმკვლელობამდე მიყვანას გულისხმობს.