ინციდენტი რუსთავის ცენტრალურ პარკში მოხდა, როგორც დაზარალებული გოგონა აცხადებს "პარკში დღისით-მზისით, მოფარებულ ადგილას ტელეფონზე ვსაუბრობდი და მაგ დროს მოხდა თავდასხმა უცნობი მამაკაცისგან".

როგორც "ინფო რუსთავი" იტყობინება, გოგონამ წინააღმდეგობა გაუწია და ყვირილი ატეხა, რის შემდეგაც მამაკაცი დანაშაულის ადგილიდან მიიმალა.დაცვის თანამშრომელს შემოვლის დროს მოესმა ახალგაზრდა გოგონას ყვირილი, რა დროსაც ადგილზე მისულს იგი ძირს დაგდებული ნახა.

ადგილზე გამოძახებული იყო სასწრაფო, კრიმინალური და საპატრულო პოლიცია.ახალგაზრდა გოგონას ძალადობის კვალი სახის და მარჯვენა ხელის არეში აღენიშნებოდა.

მომხდარ ფაქტზე გამოძიება 19-137 მუხლით დაიწყო, რაც გაუპატიურების მცდელობას გულისხმობს.