ევროპარლამენტის დეპუტატი ალესანდრა მუსონი, რომელიც ბენიტო მუსოლინის შვილიშვილია, ძალიან გააღიზიანა მაერიკელი მსახიობის ჯიმ ქერის პუბლიკაციამ თვითერზე.კანადელ - ამერიკელმა მსახიობმა სოციალურ ქსელში სტატუსი გამოაქვეყნა, სადაც ის დიქტატორის რეჟიმზე მიანიშნებს: -" თუ თქვენ სურვილი გაქვთ იცოდეთ, სად ვეძებოთ ფაშისტები, ჰკითხეთ ამის შესახებ ბენიტო მუსოლინის" - წერს ქერი.თავისი პოსტი მსახიობმა გაამყარა საკუთარი ნახატით, რომელ სურათზეც ბენეტო მუსოლინი საყვარელ კლარა პეტაჩთან ერთად ფეხებით ჰკიდია.ალესანდრა მუსოლინი - 56 წლის ყოფილი მსახიობი და მოდელი, ითვლებაპოლიტიკური პარტია "Forza Italia" წევრად.სოციალურ ქსელში ქერის სტაუსს უამრავი გამოხმაურება და კომენტარი მოჰყვა, სადაც მომხმარებლები მოუწოდებენ ევროპარლამენტარს სიმშვიდე შეინარჩუნოს და ნუ ცდილობს მკვლელი ბაბუის გამართლებას. აი რას წერენ ისინი: - " მე ვფიქრობ, თქვენ აშინებთ ჯიმ ქერის საკუთარი მკვლელი ბაბუით".თვითერზე მსახიობის სტატუსს მალევე 57 ათასი მოწონება და 15 ათასი კომენტარი მოჰყვა, ასე რომ თემა ახლაც აქტუალურია - წერს dailymail.მოგეხსენებათ, ტრამპის არჩევნებზეც ძალიან კრიტიკული იყო ჯიმ ქერის აქტივობები სოციალურ მედიაში.მსახიობი, რომელმაც შეასრულა ტრამპის გამოსახულებები, როგორც ფაშისტი და ნაცისტი, როგორც ჩანს, კომენტარს აკეთებს, რომ ის დღესაც აქტუალურია მოვლენებისადმი.

ცოტა რამ მუსოლინის შესახებ, ადამიანი რომელმაც შექმნა ფაშიზმი.მეორე მსოფლიო ომის ბოლო დღეებში, როდესაც მთელი მსოფლიოს ყურადღება მიპყრობილი იყო ბერლინისკენ, სადაც ადოლფ ჰიტლერთან ერთად კვდებოდა გერმანული ნაციზმი, შედარებით ჩრდილში მოექცა ფიურერის მთავარი მოკავშირე - იტალიური ფაშიზმის ლიდერი ბენიტო მუსოლინი.ჰიტლერისა და მუსოლინის ურთიერთობები საკმაოდ რთული იყო.1943 წლის 12 სექტემბერს, ჰიტლერის ბრძანებით, გერმანელმა მედესანტეებმა მუსოლინი გაათავისუფლეს და გერმანიაში ჩაიყვანეს.1943 წლიდან მუსოლინი ფაქტობრივად აღარ არის დამოუკიდებელი პოლიტიკოსი. „იტალიის სოციალურ რესპუბლიკას" ასი პროცენტით გერმანელები აკონტროლებდნენ.დიდი ამბიციები აღარ აწუხებდა - მტრებისგან თავის დაღწევა და სიცოცხლის გადარჩენა უნდოდა.მუსოლინის უკვე გადაწყვეტილი ჰქონდა იტალიის დატოვება. 26 აპრილის დილას, მცირე ჯგუფთან ერთად კომოს ტბის გაყოლებაზე სოფელ მენაჯოსკენ დაიძრა, საიდანაც იწყებოდა გზა შვეიცარიისკენ.მუსოლინის ჯგუფს შეუერთდა მისი უკანასკნელი საყვარელი კლარა პეტაჩი. 26-დან 27 აპრილის ღამეს დუჩე გადაეყარა გერმანელი ჯარისკაცების 200-კაციან რაზმს, რომელიც იმავე მიზნით გარბოდა შვეიცარიაში. მუსოლინი თავის ხალხთან ერთად მათ შეუერთდა. სანუკვარ მიზნამდე ცოტაღა იყო დარჩენილი.მაგრამ ის გაყიდეს და საზღვარზე დააკავეს. კლარა პეტაჩის პარტიზანები არ იცნობდნენ და შესაბამისად, არც მის დაკავებას აპირებდნენ, მაგრამ 33 წლის ქალმა, რომელსაც ფანატიკურად უყვარდა 61 წლის მუსოლინი, თავად ისურვა, მისი ბედი გაეზიარებინა.მუსოლინი და მისი საყვარელი სოფელ დონგოში, ვინმე ჯაკომო დი მარიას სახლში დააბინავეს, სადაც თავისი ცხოვრების უკანასკნელი ღამე გაატარეს. სიკვდილით დასჯა 1945 წლის 28 აპრილს 16.10 საათზე განხორციელდა.მუსოლინისა და პეტაჩის გვამები მილანში გადაიტანეს. ამავე დროს იქვე მიიტანეს კიდევ 5 დახვრეტილი ფაშისტის გვამი. 1945 წლის 29 აპრილს „პიაცა ლორეტოს" მოედანზე, ბენზინგასამართ სადგურზე, სადაც ერთი წლით ადრე 15 იტალიელი პარტიზანი დახვრიტეს, დუჩეს, მისი საყვარლისა და დანარჩენი ფაშისტების გვამები ფეხებით ჩამოკიდეს.

მოედანზე შეკრებილი უამრავი ხალხი წყევლა-კრულვას არ დასჯერდა და გვამებს ქვები დაუშინა. განსაკუთრებით მუსოლინის გვამს შეურაცხყოფდნენ და მისი ცნობა უკვე შეუძლებელი გახდა. მოგვიანებით ცხედრები საკანალიზაციო თხრილში ჩაყარეს. 1945 წლის 1 მაისს მუსოლინისა და პეტაჩის ცხედრები მილანის მუზოკოს სასაფლაოზე უსახელო საფლავში ჩაფლეს. სამწუხაროდ, უბედური მუსოლინი იქაც არ მოასვენეს. 1946 წელს ფაშისტებმა ამოთხარეს და მხოლოდ რამდენიმე თვის შემდეგ მოხერხდა მისი დაბრუნება. ამის შემდეგ დაიწყო ბჭობა, სად უნდა დაესაფლავებინათ და მხოლდ 10 წლის მერე ბენიტო მუსოლინის ნარჩენები საოჯახო აკლდამაში, მშობლიურ ქალაქ პრედაპიოში გადაასვენეს.ალესანდრა მუსოლინი, რომელიც დღევანდელ მსოფლიო პოლიტიკაშია ჩართული და რომელიც იტალიისა და ევროპარლამენტის წევრია, ამავე დროს ნეო ფაშისტური პარტიის წარმომადგენელია.ის თითქმის ერთი წლის მანძილზე იბრძოდა თავის სამ შვილს მუსოლინის გვარი ეტარებინათ.მისი მამა რომანო მუსოლინი, რომელიც მესამე ვაჟი გახლდათ იტალიელი დიქტატორის, 2006 წელს გარდაიცვალა.