ისრაელმა კომბოსტო და ვარდები მოიყვანა უდაბნოში, ჩვენ კი 26060 მდინარის ქვეყანას თურმე ფული არ გვაქვს რომ დიცში ისეთი სარწყავი სისტემა იყოს, რომლითაც ადგილობრივები იამაყებდნენ. როგორც კი რამეს იტყვი, ისმენ რომ ფული არ გვაქვს, იმავე დროს, ეს არის ქვეყანა სადაც თავდაცვის მინისტრმა 3 წელსა და 4 თვეში 340, 000 ლარი პრემია აიღო!

კითხვა მიჩნდება, თუ რას ნიშნავს ფრაზა, რომელიც პასპორტში წერია: "ამ პასპორტის მფლობელს მფარველობს საქართველო"?! რაში მფარველობს, როდესაც 1100-ზე მეტი ადამიანი დაიღუპა ან დაშავდა ინდუსტრიული შრომისას - უფრო მეტი ვიდრე რუსულ-ქართული ომისას? მშენებლობებს ვერ ვარეგულირებთ, აი ორთაჭალაში რა მოხდა! რომელი რუსისგან უნდა დავიცვათ თავი, როდესაც ბადეები ვერ დაგვიმაგრებია კორპუსებზე?! როცა ხალხი ფეთქდება სახლებში, რადგან ელემენტარული უსაფრთხოების ნორმები არ არის დაცული?! ეს ყველაფერი შეუმდგარი სახელმწიფოს სხვადასხვა გამოხატულებებია"