"მოხარული ვარ, რომ სამზარეულოში ფუსფუსი მეხერხება. მზარეულობა ერთმა ამ საქმეში დახელოვნებულმა ინდოელმა მასწავლა, " - ამბობს ბრიანი. "ჩემთვის დიდი სტიმულია, რომ უპოვართათვის ცხელი კერძი შემიძლია მოვამზადო."

კეირა ჯილი, რომელიც თავადაც ორგანიზაცია "გამოწვდილი ხელის" თანადამფუძნებელია, ამბობს, რომ ბრიანი ძალიან ბევრს მუშაობს მათი ორგანიზაციისთვის და როცა ვინმეს დახმარება სჭირდება, ყოველთვის მზადაა, დაეხმაროს.

ბრიანის ისტორიამ საერთაშორისო მედიის ყურადღება მიიპყრო და შედეგმაც არ დააყოვნა: დღეისათვის "გამოწვდილი ხელი" სულ უფრო მეტ შემოწირულობას იღებს სრულიად უცხო ადამიანებისგან მთელი მსოფლიოს მასშტაბით.