იცოდით, როგორ უნდა გადაირჩინოთ თავი, თუ შემთხვევით ნიანგმა კბილი ჩაგავლოთ ან რომელი ცხოველი დაგეხმარებათ, თუ უდაბნოში მოხვდით და წყალს ვერ პოულობთ? გსმენიათ, რომ ტყის ბაყაყები ზამთრობით იყინებიან და გაზაფხულზე ისევ ცოცხლდებიან ან ის, რომ ხამანწკები სქესს განწყობის მიხედვით იცვლიან? - ბუნებაში კიდევ ბევრი საინტერესო და უცნაური რამ ხდება. სწორედ ამაზე გვექნება დღეს საუბარი.

მაშ ასე, თქვენს წინაშეა მოძრავი ანიმაციებით გადმოცემული 25 გასაოცარი ფაქტი ცხოველთა სამყაროს შესახებ.

1. ოთახის ბუზები სულ 14 დღე ცოცხლობენ. მათ გააჩნიათ საუკეთესო სმენა და ყველა მათგანი ფა მაჟორის ტონალობაში ბზუის.

2. სირაქლემა ბევრად უფრო სწრაფად დარბის ვიდრე ცხენი, მამალი სირაქლემას ხმა კი ლომის ღრიალზე უფრო ხმამაღალია.

3. ღამურა ერთადერთი ძუძუმწოვარია, რომელსაც ფრენა შეუძლია.

4. კენგურუ თავის კუდს წონასწორობისთვის იყენებს. ასე რომ, თუ მის კუდს მიწიდან ზევით ავწევთ, ის გადახტომას ვეღარ შეძლებს.

5. სტატისტიკის მიხედვით ერთ ჰექტარ მიწის ნაკვეთზე საშუალოდ მოდის 100 000 ობობა.

6. ზოლები ვეფხვის ტანზე ისეთივე უნიკალურია, როგორც ადამიანის თითის ანაბეჭდები.

7. ღმერთმა დაგიფაროთ და თუ ნიანგმა გიკბინათ, საკმარისია თვალებზე თითი მიაჭიროთ და კბილს იმწამსვე გაგიშვებთ (მაინდამაინც ნუ ეცდებით ამ ექსპერიმენტის ჩატარებას, მოდი და არ გაამართლოს).

8. რწყილებს მათ სიგრძეზე 200-ჯერ მეტ სიმაღლეზე ახტომა შეუძლიათ. ეს იგივეა, რომ ადამიანი ახტეს თავისუფლების ქანდაკების თავზე.

9. კატას ყურებში 32 კუნთი აქვს.

10. სპილოებს შეუძლიათ წყალის არსებობა 5 კილომეტრის მანძილიდან იგრძნონ.

11. კოალებს ყველაზე მკაცრად განსაზღვრული მენიუ აქვთ-ისინი მხოლოდ ევკალიპტის ფოთლებით იკვებებიან.

12. ციყვები ხეებს იმიტომ ხრავენ, რომ კბილები გაიქლიბონ. წინააღმდეგ შემთხვევაში კბილები მათ ტვინს გაუხვრეტავდა.

13. დედამიწაზე მცხოვრებ თითოეულ ადამიანზე მილიონი ჭიანჭველა მოდის.

14. ხამანწკები სქესს იცვლიან იმისდა მიხედვით, თუ შეწყვილებისას რომელი სქესია მათთვის უფრო ხელსაყრელი.

15. პეპელას თვალებში 1000-ზე მეტი ლინზა აქვს.

16. ხვლიკს შეიძლება მოწყვეტილი კუდი თავიდან გაეზარდოს, ხოლო ლოკოკინას თვალი.

17. დედალ-მამალი კუს ერთმანეთისაგან გარჩევა შესაძლებელია ხმის საშუალებით. დედალი კუ-შიშინებს, ხოლო მამალი - ღრუტუნებს. საინტერესოა, ესმით თუ არა მათ ერთმანეთის ენა.

18. ფუტკრებს არასოდეს არ სძინავთ.

19. დედამიწაზე არსებული ხეების 1/10 "დარგულია" ციყვების მიერ, რომლებიც მათზე ცხოვრობენ და უნებურად ამრავლებენ ხის თესლს.

20. კუზიანი ვეშაპი დედამიწაზე მცხოვრები ცხოველებიდან ყველაზე მაღალ ხმას გამოსცემს.

21. თითოეული ძაღლის ცხვირის ანაბეჭდი უნიკალურია და შეუძლებელია ორი იდენტური ანაბეჭდის პოვნა.

22. ზღვის ცხენის გადაადგილების სიჩქარე 0.01 კმ/სთ-ის.

23. საინტერესოა, რომ ღორებს გააჩნიათ საკუთარი მეტყველება და ისინი გამოსცემენ 20-მდე სტანდარტულ ხმას, რომლებიც სურვილს ან სხვადასხვა ემოციას აღნიშნავს.

24. ფრანგული პუდელის სამშობლო სინამდვილეში გერმანიაა.

25. კოლიბრი-ერთადერთი ფრინველია, რომელსაც უკანსვლით ფრენა

შეუძლია.