სინამდვილეში გვიჯობს, ვაღიაროთ, რომ ჩვენი ცოდნა გარემომცველი სამყაროს შესახებ ჯერ კიდევ ძალიან შეზღუდულია და ამ მხრივ არც ამ სამყაროს შემადგენელი ნაწილი, ცხოველთა სამეფო წარმოადგენს გამონაკლისს.

ყოველ შემთხვევაში, დარწმუნებული ვარ, მსგავს რაღაცას ერთხელ მაინც გაივლებდნენ გონებაში ნატურალისტები დერეკი და ბევერლი ჟუბერი, როცა ვიდეოფირზე ამ გამაოგნებელ სცენას აღბეჭდავდნენ: ლეოპარდი კლავს დედალ პავიანს და ხეზე მიათრევს. შემდეგ კი ხდება რაღაც გასაოცარი, სულის შემძვრელი და წარმოუდგენელი: მტაცებელი პოულობს პატარა პავიანს, რომელიც უმწეო კრუსუნით ებღაუჭება მკვდარი დედის ფეხს.

ოდნავ მოგვიანებით, ლეოპარდი, რომელიც მდედრობითი სქესისაა, უახლოვდება პატარა მაიმუნს, მაგრამ ნაცვლად იმისა, პატარა პრიმატი საკუთარი დედის გზას გაუყოლოს, გასაოცარ მზრუნველობას იჩენს მარტო დარჩენილი უმწეო არსების მიმართ.

დერეკმა და ბევერლი ჟუბერმა ამ ვიდეოს მეშვეობით უამრავი ჯილდო მოიპოვეს. ისინი უკვე 30 წელია, რაც აფრიკის ველურ ბუნებას იკვლევენ.

იხილეთ ვიდეო