შეიძლება თქვენთვის უკითხავთ, ან თავად დაინტერესებულხართ, რატომ შეიძლება იყოს მომხიბვლელი ქალი მარტო და არ ჩქარობდეს ოჯახის შექმნას. როგორც წესი, რესპონდენტი პასუხის გაცემისას ხუმრობს ხოლმე, მაგრამ სინამდვილეში ეს საკითხი ბევრად უფრო ღრმაა. უფრო და უფრო მეტი ლამაზი და ჭკვიანი გოგონა ამჯობინებს, თავი შეიკავოს ურთიერთობებისგან. ამერიკელი ქალების ნახევარზე მეტი (50.2%) მარტოა, რაც 124.6 მილიონი ადამიანია. ამ ქვეყანაში მარტოხელები დაოჯახებულებზე მეტი არიან.

სტატიაში გაგაცნობთ, რატომ ამჯობინებენ თანამედროვე ჭკვიანი და ლამაზი ქალები მარტო ყოფნას.

1. თანამედროვე ქალები დამოუკიდებლები არიან.

ქალები თავიანთი უფლებებისთვის დღემდე იბრძვიან. უკვე უფრო და უფრო მეტი ქალი იღებს მამაკაცის თანასწორ ან უკეთეს სამსახურს და ხდება დამოუკიდებელი. თანამედროვე ქალს აღარ სჭირდება, ფიზიკური დახმარებისთვის მიმართოს კაცს, რადგან შეუძლია დარეკოს, კონკრეტული სერვისი გამოიძახოს და უბრალოდ, ფული გადაიხადოს ამაში.

2. დღეს ქალები პატივს სცემენ საკუთარ თავისუფალ დროს და თავისუფლებას.

ოფისში მუშაობის შემდეგ სახლში სხვებისთვის საჭმლის მომზადების ნაცვლად თანამედროვე ქალები ამჯობინებენ, თავისუფალი დრო საკუთარ თავს დაუთმონ. ქალები დადიან სილამაზის სალონში, სპასა და შოპინგზე.

3. ქალები ემოციურად მეტად გაწონასწორებულები გახდნენ.

როცა ძლიერ დამოუკიდებელ ქალებზე ხუმრობენ, რომლებიც კატებთან ერთად ცხოვრობენ, სინამდვილეში ეს ხუმრობა სულაც არაა. ქალები უფრო ძლიერები, ემოციურად გაწონასწორებულები და განათლებულები გახდნენ. თანამედროვე სამყარო მათ იმავე შესაძლებლობებს აძლევს, რასაც მამაკაცებს. თანამედროვე ქალს აღარ ეშინია მარტო დარჩენის და აღარ აინტერესებს ხალხის აზრი ამაზე. ურჩევნია, შესაფერის ადამიანს დაელოდოს, ვიდრე იმ მამაკაცთან გაიზიაროს საწოლი, რომელიც არ უყვარს.

4. თანამედროვე ქალები ალტერნატიულ ურთიერთობაზეც არ ამბობენ უარს.

დღეს ხალხს აღარ ეშინია, თავისუფლად გამოხატოს საკუთარი თავი ურთიერთობაში; იმავე სქესის წარმომადგენელთან თავისუფალი ურთიერთობაც ჩვეულებრივი რამ გახდა. დღეს უკვე ნორმალურად მიიჩნევა პარტნიორების ერთად ცხოვრება ქორწინების გარეშე.

5. თანამედროვე ქალებს მაღალი სტანდარტები აქვთ.

როცა ქალს უნივერსიტეტის დიპლომი და საკუთარი შემოსავალი აქვს, საკუთარ გარეგნობაზე ზრუნავს და ამასთანავე, სხვადასხვა სფეროში ავითარებს თავის თავს, ისეთ კაცს ელის, რომელიც ცხოვრებაში უკან არ დაახევინებს და იმედს არ გაუცრუებს. თანამედროვე ქალი ვერ იქნება მამაკაცთან, რომელიც მას და მის საქმეს არ აფასებს. ამას ურჩევნია, მარტო იყოს და დატკბეს თავისუფლებით.

6. კაცებს უფრო და უფრო მეტად ეშინიათ ჭკვიან და ლამაზ ქალებთან შეხვედრის.

როცა კაცი ლამაზ, დამოუკიდებელ, ძლიერ ქალს ხედავს, ხშირად ერიდება პირველი ნაბიჯის გადადგმას, რადგან ფიქრობს, რომ ასეთი ქალი მარტო არ იქნება. გარდა ამისა, ეშინია, ქალმა უარი არ უთხრას. თანამედროვე ქალების უმეტესობა კი ძალიან იშვიათად დგამს პირველ ნაბიჯს და არც დარდობს ამაზე.

7. თანამედროვე ქალებს ზღაპრების აღარ სჯერათ.

დიახ, 21-ე საუკუნის თანამედროვე სტანდარტების გამო ქალის ნდობის დონე მამაკაცის მიმართ გაცილებით მცირეა, ვიდრე ადრე იყო. არავის უნდა, გული ეტკინოს და იმის გამო, რომ გარშემო უამრავი ღალატის ისტორიაა, თანამედროვე ქალი ამჯობინებს, მარტო დარჩეს, სანამ დარწმუნებული არ იქნება, რომ ესა თუ ის მამაკაცი სანდო და მისი შესაფერისია.

ასევე დაგაინტერესებთ:

1. 6 მითი სიყვარულზე, რომლისაც ხალხს დღესაც სჯერა

2. წარმატებული მამაკაცები, რომლებიც ერთ დროს ქალები იყვნენ

3. ეს წყვილები ამტკიცებენ, რომ ნამდვილი სიყვარული არსებობს