"ექსტრასენსთა ბრძოლა" არის სატელევიზიო შოუ, სადაც მონაწილეობენ "ზეშესაძლებლობის მაგები და ნათელმხილველები". შოუ ორიგინალი სახელწოდებით Britain’s Psychic Challenge დიდ ბრიტანეთში დაიწყო და შემდეგ ანალოგიური შოუები გადიოდა ან გადის აშშ-ში, ისრაელში, რუსეთში, ბულგარეთში, საქართველოში, აზერბაიჯანში, ყაზახეთში, ავსტრალიაში და ასე შემდეგ. ამჯერად საუბარი გვექნება რუსულ ტელეშოუზე "Битва экстрасенсов".

6 იანვარს გარდაიცვალა მე-17 სეზონის მონაწილე დარია ვოსკობოევა, რომელმაც ფინალამდე მიაღწია და საბოლოოდ მე-4 ადგილი დაიკავა.

"შავი ჯადოქარი" ორი წლის განმავლობაში ებრძოდა სიმსივნეს, ისრაელშიც წავიდა სამკურნალოდ, თუმცა უშედეგოდ, – იგი 38 წლის იყო.

თუმცა დარია ვოსკობოევა მაგიური კანონზომიერებით პირველი არ არის ამ შოუდან, ვინც უდროოდ დატოვა სააქაო.

მე-10 სეზონის მონაწილე კონსტანტინე იამპოლსკი გულის შეტევით გარდაიცვალა 2018 წლის იანვარში 33 წლის ასაკში.

მე-7 სეზონის ფინალისტი ილონა ნოვოსელოვა 2017 წლის ივლისში 6-ე სართულიდან გადმოვარდა და დაიღუპა.

2012 წელს 35 წლის ასაკში გარდაიცვალა შოუს კიდევ ერთი მონაწილე იური ისპარიანცი "შავი მაგი", რომელსაც მისივე სიტყვებით, "ბოროტი სულების " განდევნა შეეძლო.

მეოთხე სეზონის ერთ-ერთი ყველაზე სკანდალური მონაწილე ალექსანდრე აგაპიტი 43 წლის ასაკში დაიღუპა, საჭესთან ჩაეძინა.

მე-3 სეზონის ფინალისტი, ჯადოქარი ალექსეი ფადი გულის შეტევით გარდაიცვალა 2009 წლის 22 ივნისს 50 წლის ასაკში.

უცნობია მე-3 სეზონის მონაწილის, ნადეჟდა ტიტოვას გარდაცვალების მიზეზი, იგი 2013 წელს მოულოდნელად გარდაიცვალა. სხვათა შორის, ტიტოვა 1998 წელს რუსეთის საუკეთესო სახალხო მკურნალად იქნა დასახელებული.