კახეთი სიღნაღელი 26 წლის ქალი სავარაუდოდ გაზის გაჟონვით გაიგუდა 2018, 24 ნოემბერი, 20:07 
სიღნაღის მუნიციპალიტეტის სოფელ ზემო მაღაროში მცხოვრები 26 წლის ქალი სავარაუდოდ, გაზის გაჟონვის შედეგად დაიღუპა. უბედური შემთხვევა თბილისში მოხდა, სადაც ის სწავლის პარალელურად მუშაობდა და დროებით ცხოვრობდა. ინფორმაციას ქიზიყიTV ავრცელებს. ქეთევან ჯანიაშვილის ცხედარი სიღნაღის სოფელ ზემო მაღაროში საკუთარ ოჯახში უკვე გადაასვენეს. როგორც გარდაცვლილის ახლობლები ჰყვებიან, გოგონა სახლში მარტო იმყოფებოდა. სახლში მისულ ოჯახის წევრებს კი ის უკვე გარდაცვლილი დახვდათ. უბედური შემთხვევის სხვა დეტალები და კონკრეტული მიზეზი ამ ეტაპზე უცნობია. შინაგან საქმეთა სამინისტროს საზოგადოებასთან ურთიერთობის დეპარტამენტში ამბობენ, რომ მომხდარზე მოკვლევა შესაბამისი მუხლით დაიწყო. 1044 შეფასება არ არის
|
  |
Intermedia.ge © 2011-2024 წელი
საავტორო უფლებები დაცულია
 |
