"ქართული ოცნების" ლიდერის, ქვეყნის ექსპრემიერ ბიძინა ივანიშვილის ძმის, ადიკო ივანიშვილის მეუღლე, ლილი ივანიშვილი, ურეკისა და წვერმაღალას (ოზურგეთის მუნიციპალიტეტი) მცხოვრებლებს, საპრეზიდენტო არჩევნების მეორე ტურში ხელისუფლების მხარდაჭერილი სალომე ზურაბიშვილის წაგების შემთხვევაში, ორივე სოფელში, ბოლო წლებში აშენებული და გახსნილი საბავშვო ბაღების გაუქმებით ემუქრება.

ამ ფაქტთან დაკავშირებით უკმაყოფილება გამოთქვა ცოტნე გამსახურდიამ: "ხიხოს რძალმა, ბიძინეს აშენებულია ეგ საბავშვო ბაღებიო და თუ ხმას არ მოგვცემთ, დავხურავთო. ამათზე შეახედა ახლა დავით სარაჯიშვილს, კოტე აფხაზს, ილია ჭავჭავაძეს! აღარც ბავშვები იციან, აღარც მოხუცები, აღარც მომავალი და აღარც წარსული. საქართველო თუ კბილებიდან გაუვარდა ბიძინეს, აღარაფერი აინტერესებთ!

რა გულისამრევია ეს აღზევებული გოიმები!

სწორედ ამ მთავარი მიზეზის გამო შემოვხაზავ მეორე ტურში გრიგოლ ვაშაძეს. რომ ამ პარაზიტებს ადგილი მიუჩინო და ტოტალური ძალაუფლება აღარ ჰქონდეთ, თორემ უფლებებწართმეული პრეზიდენტი რომ აპოკალიფსს ვერ მოიყვანს ძაანაც რომ უნდოდეს, ეგ დღეს ბავშვსაც ესმის. რაც შეეხება ვიღაცეების შეეყალებას, რომელნიც ისედაც გამოვლენ ორიოდე წელში ციხიდან, მე მათი მაშინაც არ მეშინოდა, როცა მინისტრები იყვნენ, და ახლა-მით უმეტეს.