გასაოცარი საკვები, რომელიც ტვინის ფუნქციონირებას ააქტიურებს და გულს აჯანსაღებს

დიეტოლოგია

2018, 6 ოქტომბერი, 17:34

ჩვენ ყველამ ვიცით, რომ ბევრი ხილი და ბოსტნეული უნდა მივირთვათ თუ გვსურს, რომ ჯანმრთელები ვიყოთ. მაგრამ ბევრ ადამიანს სწამს, რომ თუ რაიმე საკვები პროდუქტი ტკბილი ან გემრიელია, იგი აუცილებლად ვნებს ჩვენს ორგანიზმს, რაც არასწორი შეხედულებაა. თუმცა თქვენ შეგიძლიათ შეინარჩუნოთ თქვენი სიჯანსაღე და სასიამოვნო ფორმები თუ კი უფრო ხშირად მიირთმევთ კენკრას.

კენკრა - ტვინის საწვავი

ყველა ხილი და კენკრა, განსაკუთრებით კი ჯემები შეიცავს ანთიოცინებს, რომელიც ტვინის ფუნქციონირებისთვის აუცილებელია. ექსპერტები ამბობენ, რომ ანთიოცინები ამცირებს ოქსიდაციურ(ჟანგბადით გამოწვეული) სტრესს და ანთებას, ორივე მათგანი(ანთება და ოქსიდაციური სტრესი), კი ტვინის ნორმალურად ფუნქციონირებისა და მახსოვრობისთვის ცუდია.

ჰარვარდის უნივერსიტეტის კვლევამ აჩვენა, რომ ადამიანები, რომლებიც მიირთმევდნენ საშუალოდ ერთ ან მეტ ულუფა კენკრას (ამ შემთხვევაში შავ მოცვს) და ორ ან მეტ ულუფა მარწყვს, შემეცნებითი დაბერების პროცესი 2, 5 ჯერ უფრო ნელა მიმდინარეობდა, განსხვავებით იმ ადამიანებისგან, რომლებიც ძალიან იშვიათად იღებდნენ კენკრას.

ხილი ებრძვის გულ-სისხლძარღვთა დაავადებებს

ხილს შეუძლია შეინარჩუნოს და გაახანგრძლივოს გულის სიჯანსაღე. კვებისა და მედიცინის ექსპერტები ამბობენ, რომ სწორედ კალიუმის შემცვლელობა ხილში განაპირობებს და ხსნის კავშირს/პროპორციულ დამოკიდებულებას ხილის პერიოდულ მიღებასა და მაღალი არტერიული წნევის რისკის შემცირებას შორის.

გთავაზობთ აშშ-ს ეპიდემიოლოგიის დოქტორისა და ჰარვარდის საზოგადოებრივი ჯანდაცვის სკოლის პროფესორის, ერიკ რიმმის, დასკვნას:

''სიმსუქნე და მაღალი წნევა გულის დაავადებათა ორ ძირითად რისკ-ფაქტორს წარმოადგენს. ხილის მიღება, კი ორივე დაავადების გავრცელების რისკს ამცირებს. სამედიცინო განხილვებმა აჩვენა, რომ გულის დაავადებების 20-25%-ით შემცირების მიზნით, საჭიროა 2 ულუფა სახამებლიანი ბოსტნეულისა და 2 ულუფა ხილის მიღება დღეში''