მაკიაჟისს გაკეთებაში თუ ფერებისა და პრინტების შეხამებაში შეცდომები შეიძლება ნებისმიერმა ქალმა დაუშვას, მათ შორის ქვეყნის პირველმა ქალბატონებმაც. ბოლოს და ბოლოს, ისინიც ხომ ჩვეულებრივი ქალები არიან... მიუხედავად იმისა, რომ განსაკუთრებულ სტატუსს ატარებენ და საშუალება აქვთ ქვეყნის საუკეთესო სტილისტებსა და დიზაინერებს მიმართონ, პირველი ქალბატონები ზოგჯერ, რბილად რომ ვთქვათ, უცნაურად გამოჩნდებიან ხოლმე საზოგადოებაში.

1. პენ ლიუანი, ჩინეთი

სულ ცოტა ხნის წინ სწორედ ამგვარ უხერხულ მდგომარეობაში ჩავარდა კორეის სახალხო რესპუბლიკის ლიდერის, სი ცზინპინის მეუღლე, პენ ლიუიანი. ლონდონში გამართულ საზეიმო წვეულებაზე, სადაც მადამ ლიუანი მეუღლესთან ერთად მიბრძანდა, ჟურნალისტების ყურადღება მიიპყრო ქალბატონის ზედმეტად გამოკვეთლმა და შესამჩნევმა მაკიაჟმა. აღსანიშნავია, რომ პირველი ლედის მაკიაჟში დაშვებული შეცდომა მხოლოდ ძლიერი განათებისა და კამერების "ფლეშის" წყალობით იქნა შემჩნეული.

შედარებით ნაკლები სინათლის დროს არასწორად დატანილი ფერუმარილი საერთოდ არ ჩანს.

იმავე დღეს ბრიტანულ ტაბლოიდებზე გაჩნდა ჩანაწერები იმის შესახებ, რომ ჩინელმა ქალბატონმა იგივე შეცდომა დაუშვა, რაც ერთ დროს ანჯელინა ჯოლიმ, რომელიც ერთხელ სწორედ ასეთი "ფქვილის" ეფექტით წარსდგა პუბლიკის წინაშე.

2. ლიუდმილა პუტინა

რუსეთის პრეზიდენტის ყოფილ მეუღლეს, ლუდმილა პუტინასაც ასევე ლონდონში ყოფნისას შეემთხვა უხერხული სიტუაცია. მოდური პრესა, როგორც ცნობილია, არასოდეს სწყალობდა ამ ქალბატონის ჩაცმულობასა და სტილს და ხშირად აკრიტიკებდა ზედმეტი უბრალოებისა და მოუხეშაობის გამო. ასე მოხდა ინგლისის დედოფალთან შეხვედრის დროსაც. რუსეთის მაშინდელი პირველი ლედი გააკრიტიკეს იმის გამო, რომ "ზედმეტად ბრიტანულად" შეეცადა გამოჩენილიყო. საქმე ის იყო, რომ ლუდმილა პუტინა გაერთიანებულ სამეფოში ჩავიდა კრემისფერი კაბით, გრძელი პალტოთი და ღია ფერის, დიდი და უხვად მორთული ქუდით, რომელმაც აშკარად დაჩრდილა დედოფლის პაწაწუნა თავსაბური.

ვიზიტის დასრულების შემდეგ ბრიტანული ტაბლოიდები აივსო სარკასტული ტექტებით, რომლებზეც ვკითხულობდით, რომ რუსეთის პირველი ლედი "ჩაცმული იყო, როგორც ექვსი წლის გოგო, რომელიც ქორწილში პატარძალს მიაცილებს". დაამატეს ისიც, რომ ამ ჩაცმულობამ უკან მოიტოვა "ცივი ომის" პერიოდში რაისა გორბაჩოვას მოდური "მიღწევები".

3. ნინა ხრუშოვა, სსრკ

ლუდმილა პუტინას გარდერობზე პრესის სარკასტული თავდასხმები მოსატანიც კი არ არის ნინა ხრუშოვას "მოდურ თავგადასავლებთან" აშშ-ში ოფიციალურ დელეგაციასთან ერთად პირველად ჩასვლის დროს. ეს მართლაც უნიკალური შემთხვევა იყო, რადგან მანამდე საბჭოთა ლიდერების მეუღლეები არც საზოგადოებაში ჩნდებოდნენ და არც სამოსით გამოირჩეოდნენ. ეს უბრალოდ არ იყო მიღებული. 1959 წელს კი შედგა არა მხოლოდ საზოგადოებაში გამოსვლა, არამედ საზღვარგარეთ ოფიციალური გამგზავრება. მოკრძალებულად, უბრალოდ, "ხალხურად" ჩაცმული საბჭოთა პირველი ლედი აღმოჩნდა ამერიკელი კოლეგის - გამხდარი, ელეგანტური უზადოდ ჩაცმული ჟაკლინ კენედის კომპანიაში.

ჟურნალისტებმა თავიდანვე მიაქციეს ყურადღება ამ შეხვედრის ბუნებრივ, არაიმიტირებულ გროტესკულობას, რომელიც წარმოშვა ორი უძლიერესი სახელმწიფოს პირველ ქალბატონებს შორის არსებულმა კოლოსალურმა განსხვავებამ. ეს განსხვავება ყველაზე თვალსაჩინოდ ასახავდა ორი ქვეყნის მენტალიტეტსა და ცხოვრების წესს შორის არსებულ უზარმაზარ უფსკრულს.

ეს ფოტო კი 1961 წელს არის გადაღებული. მართალია, ნინა პეტრეს ასულის ღიმილი ისევ ისეთი გულუბრყვილოა და არ ჰგავს პირველი ლედისთვის დამახასიათებელ პროტოკოლურ გამომეტყველებას, თუმცა გარკვეული მეტამორფოზები გენერალური მდივნის მეუღლის გარეგნობაში მაინც შეიმჩნევა.

4. მიშელ ობამა, აშშ

დასავლურ პრესაში აშშ-ს ყოფილი პრეზიდენტის, ბარაკ ობამას მეუღლეს ხშირად მოიხსენიებენ ფერებზე ექსპერიმენტის მოყვარულად. ამას ძნელია არ დაეთანხმო - აშშ-ს ყოფილი პირველი ლედი იშვიათად ჩნდება პუბლიკის წინაშე მოსაწყენი, ერთ ტონებში გადაწყვეტილი სამოსით. უფრო ხშირად მიშელი ნათელ, ექსტრავაგანტულ ვარიანტებს ირჩევს. თუმცა ზოგჯერ ზედმეტიც მოსდის. პუბლიკის წინაშე მიშელ ობამას ერთ-ერთი ყველაზე დასამახსოვრებელი გამოსვლა იყო 2009 წელს, ლონდონში. ბრიტანეთის დედაქალაქში ამერიკელი პირველი ლედი საკმაოდ ეპატაჟურ და დამაინტრიგებელ ფორმაში გამოჩნდა.

პუბლიკას არც მიშელის ერთ-ერთი ყველაზე მოკრძალებული სამოსი მოეწონა. უფრო სწორედ არა თუ არ მოეწონა, არამედ საზოგადოება გააღიზიანა კიდეც და პირველ ქალბატონს კრიტიკის ქარიშხალიც დაატეხეს თავზე ფოტოზე აღბეჭდილი სამოსის გამო.

ამგვარი რეაქცია პრეზიდენტის მეუღლის სამოსმა გამოიწვია ერთი უბრალო მიზეზის გამო. მიშელი გამოჩნდა ნათელი ფერის კოსტიუმში და თავსაბურავის გარეშე საუდის არაბეთის მეფესთან შეხვედრისას. იმავე დღეს Twitter აივსო არაბულ ენაზე გაკეთებული ჰეშტეგებით, რომელთა აზრიც საბოლოოდ შემდეგზე დადიოდა: "მიშელი საკმარისად მოკრძალებული არ არის". დასავლურმა პრესამ კი არაბული სამყაროს საპასუხოდ განაცხადა, რომ პირველი ლედი განაგრძობდა თავისი წინამორბედების - ჰილარი კლინტონისა და ლორა ბუშის ტრადიციას, რომლებმაც ასევე იგნორირება გაუკეთეს "განსაკუთრებულ" გარდერობს საუდის არაბეთში პირველი ლედის რანგში სტუმრობისას.

5. ლორა ბუში, აშშ

2006 წელს აშშ-ს პრეზიდენტის, ჯორჯ ბუშის მეუღლე ძალიან უხერხულ სიტუაციაში აღმოჩნდა. პირველი ლედი თეთრ სახლში საშობაო მიღებაზე გამოცხადდა ამერიკელი დიზაინერის, Oscar de la Renta-ს 8, 5 ათასი დოლარის ღირებულების წითელ კაბაში.

თითქოს არც არაფერი - კაბა მართლაც მშვენიერი იყო. მაგრამ საზეიმო მიღებაზე კიდევ ორი ქალბატონი მივიდა სწორედ იგივენაირ კაბებში.

"ქალბატონებმა ერთმანეთს უნდა მიულოცონ კარგი გემოვნება, და კიდევ ის, რომ აქვთ შესაძლებლობა, საკუთარ თავს ასეთი კაბის უფლება მისცენ" - განაცხადა თეთრი სახლის მდივანმა, ლეტიცია ბოლდრიჯმა. პირველი ლედი იძულებული გახდა წვეულება ცოტა ხნით დაეტოვებინა და კაბა გამოეცვალა.

6. კარლა ბრუნი, საფრანგეთი

საფრანგეთის 23-ე პრეზიდენტის, ნიკოლა სარკოზის მეუღლეს სამოსთან დაკავშირებული უხერხული შემთხვევა 2012 წელს შეემთხვა, საფრანგეთის ახალი პრეზიდენტის, ფრანსუა ოლანდის ინაუგურაციის დღეს. საზეიმო ცერემონიის დროს ბრუნი დაჭმუჭნილი სარვალ-კოსტიუმითა და გაცვეთილი შავი "ბალეტკებით" წარდგა.

პრესის ვერდიქტი დაუნდობელი იყო. "პირველი ლედის ტიტულთან ერთად კარლა ბრუნიმ სილამაზისა და სტილის შეგრძნებაც დაკარგა", - წერდნენ ჟურნალ-გაზეთებში.

7. მელანია ტრამპი, აშშ.

ცოტა ხნის წინ ინტერნეტი მოიცვა ფოტომ, რომელზეც ასახულია შშ-ს ამჟამინდელი პრეზიდენტის მეუღლის, მელანია ტრამპის ვიზიტი მიგრანტი ბავშვების თავშესაფარში. აღშფოთება გამოიწვია იმ ფაქტმა, რომ მელანიას აცვია ქურთუკი, რომელზეც უკანა მხრიდან არის წარწერა: "მე ნამდვილად არ მადარდებს. თქვენ?"

8. ანგელა მერკელი, გერმანია

ქვეყნის პირველი ქალბატონის სტატუსი უკვე ნიშნავს იმას, რომ მისი ჩაცმულობა გარკვეულ ჩარჩოებში უნდა მოექცეს, თუმცა ყველაზე კონსერვატიული სტილის მიმდევრებიც კი ბოლომდე ვერ ამბობენ უარს თამამ სამოსზე. მათ რიცხვს მიეკუთვნება გერმანიის კანცლერი, რომელიც თავისი კონსერვატული ჩაცმულობითაა ცნობილ. თუმცა ოსლოში ახალი ეროვნული ოპერის გახსნაზე მისული მერკელის ღრმა დეკოლტიანმა კაბამ საზოგადოება გაოგნებული დატოვა. მისი ფოტო მეორე დღესვე ინტერნეტ ჰიტად იქცა და პოლიტიკურმა ოპონენტებმა საარჩევნო კამპანიაშიც კი გამოიყენეს.

ასევე დაგაინტერესებთ:

1. რას ნიშნავს ოქროს სინჯი და ბრილიანტის კარატი - არ შეცდეთ სამკაულის არჩევისას!

2. დეტალი, რომელიც სტილურ გარეგნობას უგემოვნოდ აქცევს - როგორ შევარჩიოთ სწორად ფეხსაცმლის ფერი

3. იცით რატომ ატარებდა პრინცესა დიანა კლატჩებს მკერდთან ახლოს? - აბა დაფიქრდით....

4. რატომ ეწოდა "შურისძიების კაბა" პრინცესა დიანას ამ სამოსს - საიდუმლო, რომელიც დიდხანს ამოუხსნელი

5. ვარცხნილობის 10 ხერხი, რომლებიც მინიმუმ 5 წელს მოგაკლებთ - გაითვალისწინეთ!

6. 7 შეცდომა ჩაცმულობაში, რომელიც ზედმეტ კილოგრამებს გმატებთ - გაითვალისწინეთ!

7. მოამზადეთ ტონალური კრემი საკუთარი ხელით - უმარტივესი მეთოდი