გერმანიაში პატრიოტმა ახალგაზრდებმა შექმნეს ორგანიზაცია "Identitarian movement", რომელიც დღითიდღე იზრდება არა მხოლოდ გერმანიის, არამდ მთელი ევროპის მასშტაბით. მინდა გაგაცნოთ ამ გერმანელი ახალგაზრდების მიმართვა, რომელიც მათ გააკეთეს საკუთარი მთავრობის მიმართ, რომელსაც მყარად აქვს აღებული მულტიკულტურალიზმის დანერგვის და გამყარების გეზი და არ ისმენს გერმანელი საზოგადოების დიდი ნაწილის ხმას, რომელსაც არ უნდა საკუთარი ქვეყნის ეთნო-კულტურული სურათის ასეთი მკვეთრი და გამოუსწორებელი ცვლილება, რომელიც ახლა მიმდინარეობს კანცლერ ანგელა მერკელის წყალობით:

"შენ ქმნი პოლიტიკას, რომელსაც მსხვერპლად სწირავ ღირებულებებსა და ტრადიციებს, მულტიკულტურული უტოპიის გამო. ჩვენი ევროპა კვდება. ჩვენი მომავალი გადაშენების პირასაა. რაც არის ნორმალური სხვა ქვეყნებში, ჩვენს ქვეყანაში დატერორებულია მთავრობის მხრიდან. ინდივიდუალურობა ფასეულია. ჩვენ ხელახლა შევიგნეთ ეს. 1000 წელზე მეტია, რაც გერმანიის და მთლიანად ევროპის ისტორია გაერთიანებულია. ჩვენ ვაგრძელებთ ამ ჯაჭვს. შენ ადგენ აკრძალვებს ფიქრზე და ლაპარაკზე და აარსებ ე.წ. "დროთა სულს" (ცაიტგაისტს). შენ იღებ ტოლერანტობასა და მრავალფეროვნებას, მაგრამ ეს ნიშნავს საკუთარი თავის სიძულვილს, საკუთარ თავზე უარის თქმას, თვითლიკვიდაციას.

შენ გიყვარს და მხარს უჭერ უცხოს და ებრძვი იმას, რაც არის შენი საკუთარი. შენ გინდა დაგვარწმუნო ჩვენ, რომ არ გვაქვს იდენტობა, რომ ჩვენ ვართ ძალიან ერთნაირნი, ამიტომაც ჩვენ ვიქნებით რეპრესირებულნი და ჩანაცვლებულნი. შენ ქადაგებ კულტურის მრავალფეროვნებაზე, რომელიც უკვე დაანგრიე! შენ ლაპარაკობ თავისუფლებაზე და საკუთარი თავის რეალიზაციაზე, მაგრამ წარმოქმნი ეგოიზმსა და გულგრილობას. შენ ცვლი ადამიანებს საქონლით, ბავშვებს საგნებით და აცხადებ სქესს და ოჯახს მოძველებულ ცნებებად. შენ ლაპარაკობ ევროპაზე, როდესაც დაგავიწყდა მისი ხალხი! შენ ასახლებ ჩვენს ქვეყანაში უცხოელებს. ვის? ჩვენ არ გვესმის...

შენ ხელოვნურად ქმნი ახალ ხალხს და გვანაცვლებ ჩვენ უცხოელებით. ჩვენ მოვითხოვთ, დასრულდეს პოლიტიკა რომელიც გვართმევს ჩვენს სიმართლეს, ჩვენს იდენტობას და გამბედაობას. ჩვენ მოვითხოვთ განადგურდეს განათლების სისტემა, რომელსაც უნდა თანდათანობით ჩაგვითრიოს სირცხვილსა და საკუთარი თავის სიძულვილში! ჩვენ მოვითხოვთ განადგურდეს სოციალური დაზღვევა რომლის მთლიანი შემოსავალიც მიდის პოლიტიკოსებთან. ჩვენ არ მივცემთ უფლებას საკუთარ თავს, რომ დამჯერები ვიყოთ მულტიკულტურული დოგმებისა. ჩვენ მზად ვართ რეკონკისტასთვის. ჩვენ გვინდა ჩვენი ევროპა და არა შენი კავშირი!

ჩვენი მიზანი არ არის დისკუსიაში ჩართვა ეს დამთავრდა, ისევე როგორც კონსენსუსი. ჩვენ არ გვინდა დიალოგი, ჩვენ გვინდა ახალი ენა. ჩვენ არ გვინდა ვიდგეთ სადარბაზო ოთახში, ჩვენ გვსურს წვეულების დასრულება. ჩვენ ვართ ახალგაზრდობა მიგრანტების გარეშე, რომლებსაც გვინდა სიცოცხლე და ჯერ კიდევ არ დავნებებულვართ საკუთარი ქვეყნისთვის ბრძოლაში. ჩვენი პოლიტიკა გვართმევს ჩვენს მომავალს, მაგრამ ჩვენ გვინდა მომავალი ჩვენთვის და ჩვენი შვილებისთვის. ჩვენ ვართ ევროპელი ახალგაზრდები, ჩვენი ორგანიზაცია არის "Identitarian movement"

ასევე დაგაინტერესებთ:

1. ევროპის ხმა

2. ევროპული ნაციონალიზმი კვლავ ძლიერდება

3. საქართველოს მოქალაქეობის მირება რთულდება

4. დონალდ ტრამპის ლექსი მიგრანტებზე

5. საჯარო სიტყვა, რომელმაც დონალდ ტრამპს გამარჯვება მოუტანა

ავტორი: თორნიკე ფხალაძე