ევროპარლამენტში საქართველოს საკითხზე გამართულ დებატებთან დაკავშირებით თავისი პოზიცია დააფიქსირა ბიძინა ივანიშვილმა.

როგორც საინფორმაციო სააგენტო "პირWელი" იუწყება, ბიძინა ივანიშვილმა გამოხატა კმაყოფილება იმ პოზიცებთან დაკავშირებით, რაც ევროპარლამენტის დეპუტატების გამოსვლებში გაჟღერდა.

თუმცა ჩვენს განსაკუთრებულ ყურედღებას იქცევს ბიძინა ივანიშვილის სხვა პოზიცია - "სააკაშვილმა და მერაბიშვილმა ის ილაპარაკეს, რაც ხელოვნურად ჩაწერეს".

ამ შემთხვევაში, საუბარია სააკაშვილისა და მერაბიშვილის იმ ჩანაწერზე, რომელიც ბოლო დღეებში აქტიურად გავრცელდა ქართველ მომხმარებელთა შორის.

ჩანაწერში სააკაშვილი კმაყოფილებას გამოთქვამს ევროპარლამენტში დებატების მიმდინარეობითა და შედეგებით, არცთუ სახარბიელო ფრაზეოლოგიის მოშველიებით.

თუ გავითვალისწინებთ, რომ ამ ჩანაწერის ყველაზე აქტიური გამავრცელებელი იყო ტელეკომპანია "მაესტრო", რომელმაც სათანადოდ დააანონსა ე.წ. "ექსკლუზიური" მასალა, ბუნებრივად იბადება კითხვა:

ასრულებდა თუ არა, ბიძინა ივანიშვილის აზრით, ტელეკომპანია "მაესტრო" ხელისუფლების დაკვეთას, როდესაც ახდენდა ამ ჩანაწერის ფართოდ პოპულარიზაციას?

დასკვნა ყველამ თავად გააკეთოს...