დღეს დილით ფოთში გამთენიისას დაახლოებით 7 საათზე ძლიერი აფეთქების ხმა გაისმა, რის შედეგადაც ადგილზე გარდაიცვალა რომან სიჭინავა, ხოლო 3 დაშავებული ფოთისა და ქუთაისის საავადმყოფოებში გადაიყვანეს. როგორც ადგილობრივები აცხადებენ აფეთქებამდე ახალგაზრდებმა ახლოს მდებარე მარკეტში ალკოჰოლური სასმელები შეიძინეს. ოდნავ მოგვიანებით კი აფეთქების ხმა გაისმა.

დადგინდა, რომ გამოყენებული იყო F-1 ტიპის ხელყუმბარა, რომელიც სავარაუდოდ, ერთ-ერთ დაშავებულს ეკუთვნოდა, თუმცა მისი ოჯახის წევრები უარყოფენ ამ ფაქტს.

დღეს დილიდან ადგილზე ექსპერტ-კრიმინალისტები მუშობდნენ, აღძრულია საქმე სისხლის სამართლის კოდექსის 236-ე და 124-ე მუხლებით, რაც ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვას და ჯანმრთელობის დაზიანებას გაუფრთხილებლობით გულისხმობს.

იხილე ვიდეო