გარკვეულ გარემოებებში ადამიანის ცნობიერებაში სიკვდილის თავიდან აცილება შესაძლებელია- ამბობენ მკვლევარები

ცნობილმა მეცნიერმა, რობერტ ლანცმა ამერიკის შეერთებულ შტატებში გამოაქვეყნა წიგნი სახელწოდებით: - "ბიოცენტრიზმი- ცხოვრება და ცნობიერება არის სამყაროს ბუნების შეცნობის გასაღები". სხვა საკითხებთან ერთად, მკვლევარმა ამ წიგნში მოგვითხრო თავის შეხედულებებზე მსოფლიოს შესახებ და მასში მიმდინარე პროცესებზე.

რეგენერაციული მედიცინის სპეციალისტის აზრით, თითოეულ ადამიანს თვითონ შეუძლია აირჩიოს რამდენა ხანს იარსებოს მისმა ცნობიერებამ. ადამიანების უმრავლესობა ფიქრობს, რომ ისინი იღუპებიან, როდესაც მათი სხეული კვდება, მაგრამ ლანცი ამტკიცებს, რომ ეს აზრი ყოველთვის არ არის ჭეშმარიტი.

უფრო მეტიც, ის დარწმუნებულია, რომ ასეთი აზრები ნამდვილი სიკვდილის პროვოცირებას ახდენს, ვინაიდან ცოცხალი არსება თავად აპროგრამებს თვითგანადგურების პროგრამას, უფრო სწორად ადამიანი თავად ირჩევს როდის მოკვდეს.

სინამდვილეში, თუ ადამიანი გააცნობიერებს და ბიოლოგიურ სხეულს აღიქვამს, როგორც მისი სიცოცხლის გარდამავალ ეტაპს, მაშინ მისი ცნობიერება შეიძლება არსებობდეს სამუდამოდ, რომელიც პერიოდულად იცვლის ადგილს -დარწმუნებულია მეცნიერი. ლანცმა აღმოაჩინა ამ თეორიის მტკიცებულებები, კვანტური მექანიკის ძირითადი პოსტულატების მიხედვით, რომლის მიხედვითაც გარკვეული ნაწილაკები შეიძლება არსებობდეს ყველგან და მოვლენა შეიძლება მოხდეს რამდენჯერმე უამრავი გზით.