2018 წლის თებერვალში საზოგადოებამ გაიგო ლენტეხის რაოინში მცხოვრები ოჯახის ამბავი. ამირან დევნოზაშვილს თავისი რვა შვილი სახლში ჰყავდა გამოკეტილი. მათ არც სკოლაში უვლიათ და არც არავისთან ჰქონიათ კომუნიკაცია ოჯახის წევრების გარდა.

სოციალური სამსახური დიდი ხნის განმავლობაში ცდილობდა სიტუაცისს გამოსწორებას, თუმცა უშედეგოდ. ამირან დევნოზაშვილი შინაგან საქმეთა სამინისტრომ დააკავა. იგი სისხლის სამართლის კოდექსის 150-ე მუხლის ბრალდებით დააკავეს, რომელიც იძულებას მოიცავს.

150–ე მუხლი, იძულება:
1. ადამიანისათვის ქმედების თავისუფლების უკანონო შეზღუდვა, ესე იგი მისი
ფიზიკური ან ფსიქიკური იძულება, შეასრულოს ან არ შეასრულოს მოქმედება,
რომლის განხორციელება ან რომლისაგან თავის შეკავება მის უფლებას წარმოადგენს,
ანდა საკუთარ თავზე განიცადოს თავისი ნებასურვილის საწინააღმდეგო
ზემოქმედება,
-ისჯება ჯარიმით ან გამასწორებელი სამუშაოთი ვადით ერთ წლამდე ანდა
თავისუფლების აღკვეთით იმავე ვადით.
2. იგივე ქმედება, ჩადენილი წინასწარი შეცნობით არასრულწლოვნის
მიმართ, –
-ისჯება გამასწორებელი სამუშაოთი ვადით ორ წლამდე ან თავისუფლების
აღკვეთით ვადით თვრამეტ თვემდე.