ლოლა ასტანოვა ტაშკენტიდან არის. იგი შეერთებულ შტატებში ჯერ კიდევ 2000-იანი წლების დასაწყისში გადავიდა, გოგონა ბავშვობიდანვე ფორტეპიანოზე უკრავდა კლასიკურ მუსიკას. ამჟამად 33 წლის მუსიკოსი საკმაოდ ცნობილია შეერთებულ შტატებში, მისი სადებიუტო კონცერტი 2012 წელს შედგა კარნეგ ჰოლში. მიუხედავად წარმატებისა ამ სფეროში(2016 წელს Emmy-ის პრემია გადაეცა გერშვინის "Rhapsody in Blue"-შესრულებისთვის), გოგონა გამოიყურება, როგორც შოუ-ბიზნესის ვარსკვლავი. იგი სულ სხვა იმიჯით გვაწვდის შოპენის თუ რახმანინოვის მუსიკას, მით უმეტეს, რომ ახალგაზრდა ქალი საკმაოდ ლამაზი და სექსუალურია და სწორედ საკუთარ სექსუალურობას უსვამს ხაზს.

"როდესაც ლისტზე და შოპენზე კითხულობ ინფორმაციას, გებულობ, რომ ისინი იყვნენ იმ ეპოქის ვარსკვლავები:თავისუფლები, მგზნებარენი, ნამდვილი დენდები, ამიტომ უცნაურია, რომ დღეს მათი მუსიკა ასოცირდება, როგორც რაღაც შეზღუდული, მოსაწყენი და ნაფტალინის სუნით გაჟღენთილი"-აღნიშნა ლოლა ასტანოვამ ერთ-ერთ ინტერვიუში.