მსოფლიოს ერთ-ერთი ყველაზე უჩვეულო გემი თავისი არსებობის 50 წლის იუბილეს აღნიშნავს. დაახლოებით 100 მეტრის სიგრძის ამერიკულ ხომალდ „ფლიპს“ მხოლოდ ნახევრად შეუძლია წყალში ყოფნა. მისი ერთი მხარე წყალშია ჩაშვებული, ხოლო მეორე ჰაერში აღმართული. შედეგად ხომალდი ვერტიკალურად დგას. გემის შიგნით არსებული მთელი მოწყობილობაც სწორედ ამ მანევრზეა გათვლილი. კაბინების უმრავლესობას ორი შესასვლელი აქვს, ინტერიერის ბევრი შემადგენელი საგანი მეორდება, ხოლო საწოლები ერთი ადგილიდან მეორეზე გადაინაცვლებს და იქვე ფიქსირდება. როგორც მეზღვაურები
ამბობენ, გემის გადადგილებისას მაგიდაზე კეტჩუპიც კი არ იღვრება.