აშშ-ში, ფაირფაქსის საგრაფოში, შტატი ვირჯინია, მამაკაცმა სუპერმანქანა McLaren 720S ყიდვიდან ერთ დღეში დაამტვრია, ამის შესახებ იტყობინება Foxnews-ი .

ფაირფაქსის პოლიციამ Facebook-ზე გააზიარა დამტვრეული ავტომობილის ფოტო წარწერით:"იყიდა პარასკვეს, დაამტვრია შაბათს", როგორც სამართალდამცველები იტყობინებიან, ავტოავარიის მიზეზი გახდა მაღალი სიჩქარე.

მძღოლი საავაადმყოფოში გადაიყვანეს, მას მსუბუქი დაზიანებები აღენიშნება, ა ვტომობილი 2017 წლის მარტში გამოვიდა, მამაკაცმა მასში 300 000 დოლარი გადაიხადა.

McLaren 720S ბრიტანული კომპანიის პირველი სპორტული ავტომობილია, რომელიც 4.0-ლიტრიანი V8 ძრავით აღიჭურვა. მისი სიმძლავრე 710 ცხენის ძალაა, 100 კილომეტრ სიჩქარეს 2, 7 წამში კრიფავს, მაქსიმალური სიჩქარე 341 კილომეტრია საათში, ავტომობილის მასა 1, 283 კილოგრამია.