სხვა თვითმხილველები სელფს იღებდნენ,სანამ დაზარალებულები ნელა და ტანჯვით კვდებოდნენ 2018, 13 ივლისი, 13:58  პოლიციის განცხადებით, სასწრაფო რომ დროზე გამოეძახათ თვითმხილველებს, ავტოკატასტროფაში მოხვედრილი ადამიანებიდან მინიმუმ ორი გადარჩებოდა. გულგრილი გამვლელები ავტოვარიაში მოხვედრილებთან სელფს იღებდნენ, იმის მაგივრად, რომ სასწრაფოსთვის გამოეძახათ, ან პირველადი დახმარება აღმოეჩინათ.შემთხვევა ინდოეთში რაჯასტანის შტატში მოხდა, სამი მეგობარი მოტოციკლით მგზავრობდა, როდესაც ავტობუსს შეეჯახა, იუწყება The Sun-ი. ავტოავარიის ადგილზე სოფლელების ბრბო შეიკრიბა, თუმცა არცერთმა არ აღმოუჩინა დახმარება დაზარალებულებს, მეტიც, რამდენიმემ სელფის გადაღება დაიწყო ტრაგედიის ადგილზე, შედეგად ერთი მამაკაცი მალევე გარდაიცვალა. ადგილზე დაგვიანებით მოსულმა პოლიციამ და სასწრაფომ ვერც დარჩენილი ორი დაზარალებული გადაარჩინა, ისინი გარდაცვლილები დახვდათ, აღსანიშნავია, რომ ავტოკატასტროფაში მოხვედრილები მთელი ამ ხნის განმავლობაში შველას ითხოვდნენ, თუმცა თითი არავინ გაანძრია.  სოციალურ ქსელში ამ შემთხვევამ აღშფოთება გამოიწვია მომხმარებლების მხრიდან, გაეცანით რამდენიმე კომენტარს: "დაზარალებულების დახმარება თვითმხილველებისთვის სავალდებულო უნდა იყოს" " ასეთი რეგვენები უნდა დაიჭირო და რამდენიმე დღე ჩასვა ციხეში.. საჭიროების მიხედვით კანონში შეწორებების შეტანა აუცილებელია" " ცხოველები ამ ტვინგარეცხილებზე უკეთესები არიან" 407 7-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
