გარგარის დიეტა და 3 დღეში მინუს 4 კილოგრამი + სხეულის წმენდა ტოქსინებისგან. მართალია ერთი შეხედვით ეს არ არის მარტივი, რადგან სამი დღის განმავლობაში მხოლოდ გარგარი უნდა ჭამოთ, მაგრამ სამ დღეში არა მარტო წონას კარგავთ, არამედ სუფთა სახის კანსაც იღებთ. ის აუმჯობესებს საჭმლის მონელებას.გარგარი სასარგებლოა არა მარტო მსუქანი ადამიანებისთვის, ის ხელს უწყობს ზოგადად სხეულის გაძლიერებას. შეგიძლიათ ეზოში დარგოთ გარგარი და მთელი წელი აქტიური ცხოვრების წესით იცხოვროთ. ის აუმჯობესებს თქვენს კეთილგანწყობას და ზამთარშიც მწიფე ნაყოფის ნაცვლად მისი ჩირის სახით მირთმევა საუკეთესოა.

რაში გამოიხატება გარგარის დიეტის უპირატესობა? C ვიტამინის მაღალი შემცველობა, იმუნური სისტემის გაძლიერება, მხედველობის პრობლემის გაუმჯობესება და ძვლებში სისუსტის შემცირება.გარგარი ეხმარება ონკოლოგიით დაავადებულებს რისკების შემცირებაში ყველაზე მდიდარი კომპონენტის ბეტა კაროტინის წყალობით.მოგეხსენებათ, ბეტა კაროტინი ასევე არის ათეროსკლეროზის, პარალიზის და გულ - სისხლძარღვთა დაავადებების პრევენციის მკურნალი.თქვენ უნდა ჭამოთ 800 გრამი მწიფე გარგარი ყოველ დღე, რომელსაც დღის განმავლობაში ვყოფთ 3 - 4 თანაბარ ნაწილად. შეიძლება გარგარის პიურე მივირთვათ ან მისი სალათი, რომელსაც მცირე რაოდენობით ტკბილ ვაშლს ვუმატებთ მენიუში. ასევე რეკომენდირებულია გარგარის კომპოტი. მოკლედ, სამი დღის განმავლობაში გარგარით მომზადებული ნებისმიერი წვნიანი და სხვადასხვა დასახელების კერძებია შესაძლებელი.გაითვალისწინეთ ასევე, რომ გარგარის დიეტის დროს აუცილებელიცაა სითხეების დიდი რაოდენობით მიღება, როგორიცაა მაგალითად მწვანე ჩაი შეუზღუდავი რაოდენობით და მინერალური წყლები.როგორც დიეტოლოგები გვირჩევენ, გარგარის დიეტა შესაძლოა გამოყენებული იქნას თვეში ერთხელ. გაითვალისწინეთ აგრეთვე გარგარი უზმოზე სულაც არ არის სასურველი ხილი, რადგან ცარიელმა კუჭმა შეიძლება ჭამის მადა უფრო გააძლიეროს ერთი ცალი მწიფე ნაყოფის მიღების შემდეგ.ადამიანები, რომლებიც ვერ ეგუებიან მხოლოდ გარგარით კვებას, შეუძლიათ დაამატონ დღის რაციონში ბროკოლის სუპები, უცხიმო ჩაშუშული კომბოსტო, უცხიმო ხაჭო ან კიდევ უცხიმო ორთქლზე მოხარშული საქონლის ხორცი მცირე რაოდენობით. დამერწმუნეთ, რომ სამ დღეში არასასურველ 4 კილოგრამს დაკარგავთ.