სოციალურ ქსელებში საკუთარი სიმდიდრით ტრაბახი უკვე დიდი ხანია რაც ტრენდული გახდა: ძვირადღირებული მანქანების, ფეშენებელური იახტების, პერსონალური თვითმფრინავების, ექსკლუზიური აქსესუარებისა თუ ყველაფერი იმის ჩვენება, რაც მდიდრული ცხოვრების წესზე მიუთითებს უკვე ჩვეულებრივ მოვლენად იქცა. გამონაკლისი არც ფუფუნებისა და უზრუნველი ცხოვრების მოყვარული ბრიტანელები არიან, რომლებმაც მდიდრული ცხოვრების ფასი მშვენივრად იციან, სწორედ ამიტომ იქცა ლონდონი მსოფლიოს ყველაზე მდიდარი ადამიანების და შესაბამისად, მათი ოჯახის წევრებისთვის ყველაზე სასურველ საცხოვრებელ ადგილად. ბრიტანელმა "მაჟორებმა" სპეციალური გვერდი "richkidslondon"-იც კი შექმნეს, სადაც თავიანთი მდიდრული და გლამურული ცხოვრების ამსახველ ფოტოებს მილიონობით გამომწერს პერიოდულად უზიარებენ. მაშ ასე, ნახეთ, როგორ ცხოვრობენ და ერთობიან ბრიტანეთის ყველზე მდიდარი და გავლენიანი ოჯახისშვილები.