ვახტანგ გორგასალის მიერ მეხუთე საუკუნეში დაარსებული ხორნაბუჯის ციხე-ქალაქის ირგვლივ ინფრასტრუქტურის განვითარება მიმდინარეობს. ქალაქ დედოფლისწყაროში მდებარე ისტორიული ძეგლის ტურისტულ ობიექტად გადაქცევას 5 მილიონი ლარი მოხმარდება. პროექტი ითვალისწინებს ძეგლამდე მისასვლელი გზისა და გადასახედის მოწყობას, ასევე მოეწყობა ტურისტული საფეხმავლო ბილიკები, საპარკინგე და საპიკნიკე ადგილები. ისტორიული ციხე-ქალაქი ხორნაბუჯი განახლებული ტურისტული ინფრასტრუქტურით მნიშვნელოვნად გაზრდის ვიზიტორთა ნაკადს.