46 წლის მამაკაცი 3 სექტემბერს, 18 წლის ვაჟთან და ლეიკემიით დაავადებულ ძმისშვილთან ერთად, დედოფლისწყაროში დააკავეს. ახმედოვების ოჯახი ამტკიცებს, რომ ისინი ჯერ დაკავებისას, შემდეგ კი პოლიციის განყოფილებაში სამართალდამცავებმა სცემეს.
პოლიციასთან დაპირისპირება დედოფლისწყაროში 3 სექტემბრის ღამეს მოხდა. ახმედოვები ნასვამ მდგომარეობაში დედოფლისწყაროში მაღაზიასთან იყვნენ, როდესაც პოლიცია მივიდა და საბუთების წარმოდგენა მოსთხოვა. ახლიმან ახმედოვის ოჯახის ინფორმაციით, დაკავების დროს სამართალდამცველებმა ახლიმან ახმედოვის დახრჩობა სცადეს, თუმცა მამაკაცმა პოლიციელს ხელზე უკბინა.