12 მაისს ლისაბონში გასამართ ევროვიზიის 50-მდე სიმღერას შორის უკვე გამოიკვეთა ფავორიტი. სანამ ეს ვიდეო აიტვირთებოდა, ლიდერობდა ესტონელი ელინა ნეჩაევას სინგლი, მაგრამ როგორც კი, 11 მარტს, ისრაელის წარმომადგენლობა - 25 წლის ნეტტა ბარზილაის კლიპი - აიტვირთა იუთუბზე, სხვა კონკურსანტებმა, თითქოს, არსებობა შეწყვიტეს - TOY_ს უკვე 7 მილიონამდე ნახვა აქვს!

აღსანიშნავია, რომ ნეტტას, 2017 წლის სექტემბრამდე, როდესაც მის სამშობლოში ევროვიიზიის ნომინაციისათვის კონკურსი დაიწყო (რაიც მუსიკალურად „სნობ“ საქართველოში საერთოდ არ ჩატარებულა), არავინ იცნობდა - ის დებიუტანტია, რომელმაც ნულიდან დაიწყო, გაიმარჯვა და ახლა უკვე მთელ მსოფლიოსაც გააცნო თავი...