"თავისუფალი დემოკრატების" წარმომადგენელი ნინო გოგუაძე ტელეკომპანია "პირველის" ეთერის სტუმარი გახლდათ, სადაც თემა ოკუპაციას ეხებოდა. ნინო გოგუაძემ ვლადიმირ პუტინის სპეციალურ წარმომადგენელ მიხეილ შვიდკოის საქართველოში ვიზიტთან დაკავშირებით განაცხადა, რომ შვიდკოის შეხვედრა ჰქონდა მთავრობის წარმომადგენლებთან, თუმცა, კერძოდ ვისთან, ამაზე საუბარი არ ისურვა. ტელეწამყვანმა ინგა გრიგოლიამ მოახერხა და გოგუაძეს აღნიშნული პიროვნებები დაასახელებინა.