რუსულ "ექსტრასენსთა ბრძოლის" მორიგ ეპიზოდში მონაწილეებს მძიმე საქმის დეტალებში გარკვევა მოუწიათ. საქმე ეხებოდა 11 წლის კრისტინა კაზლოვას, რომელსაც დეიდა და ბებია-ბაბუა ზრდიდნენ. გოგონა ცოტა ხნით სახლში მარტო დატოვეს, დაბრუნებულებს კი საზარელი სანახაობა დახვდათ. პატარა გარდაცვლილი იპოვეს. ექსპერტიზის დასკვნით, მან თავი ჩამოიხრჩო. რა გახდა ამის მიზეზი და თუ რატომ უნდა მოეკლა თავი 11 წლის გოგონას, ამ კითხვაზე პასუხი ოჯახს არ ჰქონდა. ამიტომ მათ გადაწყვიტეს, ექსტრასენსებისთვის მიემართათ.