თბილისში 8 წლის გოგონას გაუპატიურების მცდელობას ჰქონდა ადგილი - ინფორმაციას ტელეკომპანია ,,იბერია“ ავრცელებს. შემთხვევა 8 ნოემბერს სამტრედიის ქუჩაზე მოხდა. ტელეკომპანიის ცნობით, სკოლიდან დაბრუნებულ ბავშვს, რომელიც სადარბაზოში შედიოდა, დედა სახლიდან უყურებდა. გოგონას შეყოვნების შემდეგ დედამ მისი ძებნა სადარბაზოში დაიწყო, რის შემდეგაც დაინახა, რომ სადარბაზოში ბავშვზე შუა ხნის მამაკაცი ძალადობას ცდილობდა.

არასრულწლოვანი ციციშვილის სახელობის კლინიკაში გადაიყვანეს, მას ძალადობის ნიშნები აღენიშნებოდა. კლინკაში აცხადებენ, რომ ბავშვის შეყვანის შემდეგ მათ პატრული გამოიძახეს, 8 წლის გოგონას სამხარაულის ექსპერტიზის ბიუროში ექსპერტიზაც ჩაუტარდა.