სირიის ქალაქ ლატაკიაში ავტომობილში დამონტაჟებული ბომბის აფეთქებას 10 ადამიანის სიცოცხლე ემსხვერპლა.

სირიის მედიის ინფორმაციით, აფეთქება ქალაქის ცენტრალურ სკვერთან ახლოს მოხდა. აფეთქების ტალღამ მიმდებარე ტერიტორიაზე მდებარე შენობებიც დააზიანა.

თავდასხმაზე პასუხისმგებლობა, ჯერჯერობით, არც ერთ სამხედრო დაჯგუფებას არ აუღია.

ლატაკია სირიის უდიდესი საპორტო ქალაქი და პრეზიდენტ ბაშარ ალ-ასადის ალავიტების შიიტური ჯგუფის მთავარი დასაყრდენია.